Kunguj të rrumbullakët të mbushur me oriz dhe gorgonzola

Kungujt kanë vitaminë A dhe C dhe kanë pak kalori, rreth 95% e tyre është ujë. Ekzistojnë disa lloje kungujsh. Për këtë recetë kemi zgjedhur kungujt e rrumbullakët pasi janë më të përshtatshëm për mbushje. Mund ti mbushim në mënyra të ndryshme. Ne po japim një variant me oriz dhe djathë gorgonzola. Ky lloj djathi është tipik i Italisë (zona e Lombardisë dhe Piemonte). Gorgonzola është një djath i butë, kremoz që prodhohet me qumësht lope. Ka një shije të veçantë dhe të fortë. Në këtë recetë ky djath bashkohet me orizin që i jep një shije të veçantë.

Kunguj të rrumbullakët të mbushur me oriz dhe gorgonzola

Përbërësit

  • 4 kungulleshka të rrumbullakëta
  • 100 gr oriz
  • 100 gr djathë gorgonzola
  • 60 gr djathë parmixhan të grirë
  • pak kripe
  • pak gjalpë

Përgatitja

  • Pasi i kemi larë kungujt i vendosim në një tenxhere të ziejnë. Hedhim dhe orizin të ziejë në ujë me kripë një tenxhere tjetër.
  • Kur kungujt të jenë zier (duhet të kemi kujdes që të mos ziejnë shumë), i presim pjesën e sipërme dhe me kujdes i heqim dhe pjesën e brendshme. Pasi i kemi zbrazur të gjithë kungujt, pjesën e brendshme e kavërdisim në një tigan me gjalpë.
  • Pasi orizi është zier e kullojmë dhe e hedhim në një enë të madhe. Bashkojmë në të djathin gorgonzola, gjalpin, djathin parmixhan dhe pjesën e brendshme të kungujve.
  • E trazojmë me kujdes që të gjithë përbërësit të shkrihen mirë. Pastaj marrim kungulleshkat dhe i mbushim brenda. I vendosim në një tavë ku kemi shtruar letër furri. Tavën e pjekim përreth 20-30 minuta. Kunguj të rrumbullakët të mbushur me oriz i shërbejmë të ngrohtë.

Notes

Video Receta

Ju bëftë mirë

0 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Rizoto me salsiçe

Rizoto me salsiçe është një pjatë shumë e shijshme dhe përshtatet mirë si për drek edhe për darkë mes familjarë ose miqve. Ndërthurur me djathë dhe përgatitur me lëng perime shtohen edhe vlerat ushqimore.

Bollgur me perime

Bollgur me perime është një recetë e thjeshtë dhe e shpejtë kur nuk kemi kohë për të gatuar. Zgjedhja e perimeve mund të jetë sipas dëshirës, mjaftojnë të jenë të freskëta dhe bio.