Kocë në furrë me patate është një pjatë e shijshme, një recetë shumë e lehtë si në përgatitje dhe në të ngrënë.
Peshk Koce me Patate
Sasia: 2 persona
Kalori: 210kcal
Video
Përbërësit
- 2 peshk kocë
- 4-5 kokrra patate
- 1 limon
- pak vaj ulliri
- pak kripë
- disa erëza të ndryshme gjethe dafine, degë rozmarine,gjethe sherebelë
- 2-3 thelpinj hudhra
Përgatitja
- Për të përgatitur kocë në furrë me patate, si fillim sigurohemi që peshku të jetë i freskët.
- Pasi kemi larë mirë peshkun e mbushin te barku me erëza të ndryshme, hudhër e disa feta limoni. Qërojmë patet dhe i presim në feta horizontalisht.
- Marrim një tavë, i vendosim letër furre ose e spërkasim me pak vaj, shtrojmë patatet, i hedhim pak kripë, sipër i vëmë kocet e përgatitura.
- Shtojmë mbi peshkun fetat e patates, dhe e mbulojmë komplet. I hedhim pak kripë, disa degëza rozmarine e pak vaj.
- E vëmë në furrë të piqet për gati 40 minuta ne temperaturën 200°C.
- Kocë në furrë me patate është gati. Peshkun e shërbejmë të ngrohtë, të shoqëruar me patatet.
Receta për peshk salmon
5 comments
Me pelqen peshku!
receta e peshkut koce me patate duket e mrekullueshme….duhet ta provoj patjeter..qe neser
Shume bukur…. por temperaturen e furres nuk e thate…!!
Rreth 200°C!