ads

Panxhari sheqerit ka shumë kalori pasi është shumë i pasur me karbohidrate. është shumë i mirë për shëndetin tonë sepse ka një efekt terapeutik. Në vendin tonë, për fat të keq, kjo lloj perime nuk gjen një përdorim të gjerë. Këshillohet përdorimi i panxharsheqerit pasi shkenca ka vërtetuar se në ato vende ku konsumimi i tij është më i lartë, është më i ulët zhvillimi i sëmundjeve të këqija në zorrë. Kjo recetë që ne propozojmë është një sallatë e freskët, e shpejtë që mund të shoqërojë pjata të dyta.

Përbërësit për Sallatë me panxharsheqeri e mollë

Përbërësit për 1-2 persona

• 2 kokrra panxharsheqeri


• 1 kokërr mollë


• 2 qepë të njoma


• pak kripë


• pak piper


• pak vaj ulliri


• 1/2 luge lëng limoni

Përgatitja

Panxharin e qërojmë, e presim në feta dhe e ziejmë në tenxhere me avull ose e lemë të plotë dhe e ziejmë në tenxhere me ujë. Më pas e lemë të ftohet. Marrim mollën dhe e presim në feta. Në një pjatë, vendosim fetat e panxharsheqerit, mbi to fetat e mollës dhe në mes qepën e njomë e prerë hollë. Sallatës sipër i hedhim vaj ulliri, kripë dhe pak lëng limoni. Kjo është një pjatë e freskët dhe e veçantë.

Ju bëftë mirë

ads