Antipasta (Meze)
Komente nga Fb - 3 komente

Sallatë ruse

sallat-ruse
Përgatitja: 15 Mins - Sasia: 4 Persona

Sallata ruse është një pjatë e ftohtë, tipike e kuzhinës ruse, e njohur në gjithë botën. Eshtë një pjatë shumë e shijshme, me bazë perime të ziera të përziera me majonezë. Ekzistojnë shumë variante të kësaj pjate. Për sallatën ruse ne po japim versionin më të thjeshtë.

Përbërësit për Sallatë ruse


  • 3 karrota

  • 200 gr bizele

  • 3 patate

  • 50 gr kastraveca turshi

  • 2-3 vezë

  • pak uthull

  • pak kripë

  • pak vaj ulliri

  • 300 gr majonezë

Përgatitja e Sallatës ruse

Pasi i kemi qëruar dhe larë karrotat dhe patatet i presim ne kubik të vegjël. Në një tenxhere me avull vëmë të ziejnë karrotat, patatet dhe bizelet. Pasi janë zier, i lemë të ftohen. Ndërkohë ziejmë edhe vezët dhe i lemë edhe këto të ftohen. Ju këshillojmë që vezët ti nxirrni gjysmë ore përpara se ti zieni dhe në ujë të hidhni pak uthull. Kështu veza do të jetë perfekte për sallatën ruse.

Sallate Ruse

Sallate Ruse

Marrim një enë të madhe ku hedhim të gjitha perimet, kastravecët e prerë, vaj ulliri, pak uthull, pak kripë. Më pas bashkojmë majonezën dhe një vezë të prerë në copa të vogla. Sallatën e përgatitur e lëmë në frigorifer për të paktën një orë përpara se ta shërbejmë. Më pas mund ta zbukurojmë edhe me vezët e ziera sipër, të prera në mes.

3 Comments

  1. Pingback: Antipastë mikse | ArtiGatimit.com

  2. Pingback: Receta për Majonezë | ArtiGatimit.com

Shkruani komentin tuaj - Komente