Kjo recetë nuk kërkon shumë kohë në përgatitje. është një pjatë e shpejtë dhe me një shije të veçantë. Mund të përdorni si salmonin e freskët ashtu edhe atë të tymosur në pako.
Përbërësit për 4 persona
Përbërësit për Makarona me salmon
- 350 gr makarona të shkurtra
- 300 gr salmon i tymosur
- 200 ml pana
- 1 qepë të vogël
- pak gjalpë
- pak kripë
- pak piper
Përgatitja
Në një tenxhere hedhim ujë. Kur fillon të ziejë i hedhim kripë dhe makaronat. Ndërkohë që makaronat ziejnë përgatisim salcën. Në një tigan hedhim pak gjalpë. Kur ky i fundit të jetë shkrirë, grijmë qepën hollë. E kavërdisim pak e më pas hedhim salmonin në copa. E lemë të skuqet për disa minuta me zjarr të ngadaltë.
Pastaj shtojmë panën dhe pak kripë. I trazojmë mirë derisa të bashkohen mirë bashkë. Pasi janë zier makaronat, i bashkojmë me salcën e përgatitur. Makaronat i shërbejmë të ngrohta dhe nëse dëshironi sipër mund ti hidhni piper.
Ju bëftë mirë!
Komento nga Facebook