Tavë balte

Tave balte apo tavë dheu siç mund të njihet ndrshe është një pjatë shumë e njohur në Shqipëri e jo vetëm. Mishi i pjekur në tavë prej balte merr një shije e një aromë të mrekullueshme. Në adresën e email na kanë ardhur shumë kërkesa nga lexuesit e faqes tonë për recetën e tavës së baltës. Më poshtë do të gjeni recetën e kësaj pjate të shijshme.

Tavë balte

Prep Time30 minutes
Cook Time25 minutes
Total Time55 minutes
Course: Main Course
Cuisine: Albanian
Keyword: gjelle
Sasia: 4 persona
Kalori: 220kcal

Përbërësit

  • 500 g mish viçi
  • 1 kg qepë
  • 4-5 thelpinj hudhre
  • 1/2 speca
  • pak vaj ulliri
  • 2-3 domate të kuqe
  • pak kripë piper
  • 2 gjethe dafine
  • pak kanellë sipas dëshirës
  • 1-2 lugë gjelle uthull
  • pak spec djegës

Përgatitja

  • Në një tigan të madh skuqim qepën e prerë në feta, shtojmë edhe specin e prerë hollë. I kapërdisim për disa minuta derisa qepa të jetë zbutur e të ketë marrë një ngjyrë të verdhë. Më pas shtojmë edhe mishin e prerë në copa. E trazojmë me ngadalë derisa të ketë marrë ngjyrë.
  • Hedhim mbi të uthullën dhe e lemë derisa ta thithë gjithë mishi.
  • Ndërkohë grijmë me rende domatet dhe i hedhim mbi mish. Shtojmë erëzat me radhë, hudhrën e grirë hollë, piperin, specin djegës, gjethet e dafinës, kanellën dhe kripën.
  • Mbulojmë enën me kapak dhe e lemë derisa domatja të jetë shkrirë komplet. Mishi do të jetë zbutur, (nëse shikojmë që mishi nuk është zier mirë mund të shtojmë pak brodo mishi dhe e lemë të ziejë akoma).
  • Më pas hedhim masën e përgatitur në tava balte të vogla.
  • Vendosim tavat në furrë të nxehur paraprakisht 250°C përreth 25 minuta. ( Do të ishte ideale nëse tavat do të piqeshin në furrë me dru, shija e tyre do të ishte e mrekullueshme).
  • I shërbejmë tavat të nxehta me bukë të thekur.

Lexo recetën per Rosnica nga kuzhina shqiptare

Ju bëftë mirë nga ArtiGatimit!

21 Shares
16 comments
  1. Jeni te mrekullushem,ju falenderoj per recetate kendshme qe po na tregoni.ju uroj shum suksese ne te ardhmen.;)

  2. Flm per receten, duket shume e shijshme.Me mori uria vetem duke e pare :-) Kam vetem nje gje te vogel, mos i hidhet gje edhe gjize??

  3. me falni po me duket ka nje gabim te vogel aty thuhet 1 kg qep po nuk behet si mish me qep ne vend te taves????po gjiza nuk i hidhet???sipas mendimit tim keni gabuar recet kjo recet nuk esht per tave balte

  4. Ka shume lloje per tave dheu, varet nga vendi ku pergatitet, kjo eshte recet e sakte dhe nuk ka gjize,
    se aty ku ka gjize nuk ka speca e domate e as qepe, eshte tave tjeter. Eshte eshte qeshtje shije.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Tavë me plëndës – Kuzhina shqiptare

Kuzhina shqiptare ka evoluar brez pas brezi duke u pasuruar dhe përmirësuar, mirëpo për sa u përket gjellrave tradicionale sikur kemi pak nostalgji. E tillë është edhe kjo tavë që do të paraqesim në këtë recetë. Një këshillë për amvisat e reja që duhet t'i gatuajnë e të mos i harrojnë recetat tradicionale.

Kima me Vezë në Tavë Balte

Kima me vezë dhe me mish të grirë është një recetë e kuzhinës tradicionale shqiptare. Në zona të ndryshme mund të ndryshojnë përbërësit po ky kombinim qe kemi zgjedhur është shumë i shijshëm dhe përgatitet në tavë balte

Role Pule

Pula e mbushur është një pjatë e dytë, e veçantë dhe e shijshme. Përgatitja e kësaj pjate mund të kërkojë pak kohë, por ia vlen me të vërtetë mundimi, pasi rezultati është me të vërtetë fantastik. Këtë recetë mund ta përgatisim për raste të veçanta ose për dreka e darka të rëndësishme.

Pulë e mbushur me fasule

Pula e mbushur me fasule e sallam pikant është një pjatë e dytë që ia vlen të gatuhet e të shijohet. Shija e kësaj pjate është e veçantë pasi ndërthuret pikantja e sallamit me atë majhoshe të limonit. Përgatitja e pjatës është shumë e thjeshtë.

Bollgur me perime

Bollgur me perime është një recetë e thjeshtë dhe e shpejtë kur nuk kemi kohë për të gatuar. Zgjedhja e perimeve mund të jetë sipas dëshirës, mjaftojnë të jenë të freskëta dhe bio.

Kordhëza në tavë

Receta gatimi tradicionale, kordhëzat të gatuara në furrë, me një salcë domatesh dhe erëza janë një pjatë shumë e shijshme. Vështirësia qëndron vetëm në pastrimin e tyre dhe lidhjen e tyre gërshet.