Përsheshi është një pjatë e përgatitur me lëngun e mishit të gjelit të detit. Sipas krahinave kjo pjatë përgatitet në mënyra të ndryshme. Në zonën e Myzeqesë përdoret përsheshi me bukë misri, i cili në përgatitjen e tij do patjetër në të preshin. Në zonën e Mallakastër përgatitet përsheshi me kulaç gruri, i cili bëhet me qepë.
Përshesh me bukë misri dhe lëng mishi
Sasia: 6 persona
Kalori: 180kcal
Video
Përbërësit
Për bukë misri
- 1 kg miell misri
- 550 ml ujë i vakët
- 50 ml vaj ulliri
- pak kripë
Për përsheshin
- 3 të bardha preshi
- disa të brendshme te gjelit të detit mëlçi, plendës, qafa
- pak vaj ulliri
- pak nenexhik i freskët dhe pak i thatë
- pak kripë
Përgatitja
- Fillojmë përgatijen për përshesh me bukë misri. Vendosim në një tenxhere mishin dhe e mbushim me ujë. E vendosim tenxheren në zjarr dhe e lemë të ziejë. I hedhim kripë më pas.
- Pasi i kemi larë mirë preshat i presim në copa të vogla dhe i hedhim në një tigan me vaj ulliri. Kavërdisim për disa minuta preshat derisa të shohim që janë zbutur. Shtojmë në të edhe plëndësin e prerë në copa. I trazojmë bashkë dhe e lemë për disa minuta në zjarr. Më pas i hedhim në tenxheren ku po ziejmë mishin.
- Shtojmë nenexhikun e freskët. Trazojmë mirë tenxheren, e mbulojmë me kapak dhe e lemë të ziejë përreth gjysmë ore. Më pas shtojmë edhe nenexhikun e tharë.
- Ndërkohë bëjmë kulaçin në copa të vogla. Fikim zjarrin dhe shtojmë menjëherë kulaçin në tenxhere, e cila duhet të jetë akoma në zierje e sipër,( për 1 kg kulaç duhet përreth 3l lëng mishi).
- E trazojmë ngadalë dhe e mbulojmë menjëherë me kapak. E lemë kështu përreth 30 minuta.
- Më pas e zbulojmë, e hedhim në pjatancë dhe e shërbejmë të ngrohtë të shoqëruar nga mishi i gjelit të detit. Përshesh me bukë misri është gati.
Notes
Ju bëftë mirë!
Lexoni gjithashtu receten per përsheshi me kulaç gruri.
2 comments