Receta per supa, Receta Vegjetarjane
Komente nga Fb - Shkruaj një koment

Supë krem perimesh

receta-supa-gatime-femije-vegjetarjane-1

Supa e perimeve është një pjatë e parë e lehtë dhe e shëndetshme. Nëse fëmijëve tuaj nuk ju pëlqejnë perimet, atëherë mund ta grini supën me grirës elektrik derisa të arrini një krem të shijshëm perimesh. Në këtë mënyrë e gjithë familja do të mund të shijojë një pjatë të shëndetshme. Kjo është një pjatë shumë e thjeshtë dhe e shpejtë. Në këtë recetë mund të shtoni edhe perime të tjera nëse dëshironi.


Përbërësit për Supë krem perimesh


  • 1 karrotë

  • 2 degë selinoje

  • 1 presh

  • 1 qepë e njomë

  • 1 kungull

  • 2 domate

  • 50 gr bizele

  • 1 zhardhok kopër (finok)

  • 3-4 dega brokoli

  • 3-4 dega lulelakër

  • 1 patate

  • 1 spec

  • pak kripë

  • pak vaj ulliri

  • 1 gjethe dafine

  • 2-3 feta buke të thekur

Përgatitja

receta-supa-gatime-femije-vegjetarjane-receta-shendet

Pasi i pastrojmë e i lajmë mirë të gjitha perimet, i presim në copa të trasha dhe i vendosim në një tenxhere më ujë. I hedhim pak kripë dhe gjethen e dafinës dhe i lemë të ziejnë për disa minuta, derisa të shohim që perimet janë zbutur.
Më pas grijmë gjithë supën me një grirës elektrik derisa të arrijmë një masë si krem.
Hedhim supën krem në pjata dhe e shërbejmë të ngrohtë. Sipër shtojmë copa buke të thekur dhe vaj ulliri.

Ju bëftë mirë!

Receta-supa gatime femije-vegjetarjane

Shkruani komentin tuaj - Komente