Gatime Peshk
Komente nga Fb - Shkruaj një koment

Filetë merluci me domate

Përgatitja: 10 Mins - Pjekja: 15 Mins - Sasia: 4 Persona

Merluci është një peshk shumë i shijshëm dhe i pasur me shumë vitamina. Këtë peshk mund ta gatuajmë në disa mënyra. Në recetën e sotme kemi sjellë merlucin të gatuar me domate të vogla e ullinj. Një recetë e thjeshtë që mund ta gatuajnë edhe ata që janë në armët e para me gatimin.


Përbërësit për Filetë merluci me domate

    Përbërësit për 3-4 persona

  • 4 fileta merluci

  • 20-25 domate të vogla

  • 10 kokrra ullinj pa bërthamë

  • pak majdanoz të grirë hollë

  • pak rigon

  • 3-4 lugë gjelle vaj ulliri

  • 1-2 thelpinj hudhre

Përgatitja

receta-gatimi-peshk-merluc-gatuaj-food-fish-cook-d

Nëse përdorim merlucin e ngrirë e jo të freskët duhet ta lemë të shkrijë derisa të jetë gati për gatim.
Hedhim vajin e ullirit në një tigan dhe hudhrën. E lemë me zjarr të ulët për disa minuta. Më pas shtojmë merlucin.
Lajmë domatet e vogla dhe i ndajmë përgjysmë. Presim dhe ullinjtë përgjysmë.
Shtojmë në tigan domatet e prera dhe ullinjtë. Hedhim pak kripë dhe mbulojmë tiganin me kapak. Lemë të piqet përreth 10-15 minuta.
Më pas i hedhim sipër pak rigon.
Hedhim në pjata merlucin dhe e shërbejmë të spërkatur sipër me majdanoz të grirë.

Ju bëftë mirë!

receta-gatimi-peshk-merluc-gatuaj-food-fish-cook-a

receta-gatimi-peshk-merluc-gatuaj-food-fish-cook-b

receta-gatimi-peshk-merluc-gatuaj-food-fish-cook-c

Shkruani komentin tuaj - Komente