Buding me çokollatë

Si fillim hedhim në një tenxhere qumështin dhe e lemë të nxehet.

Në një tenxhere tjetër hedhim gjalpin dhe e lemë të shkrijë ngadalë. Bashkojmë sheqerin në të dhe e trazojmë mirë. Më pas shtojmë edhe çokollatën e zezë në copa të vogla dhe e përziejmë mirë derisa të shkrihet komplet.

Pas kësaj shtojmë ngadalë e pak nga pak miellin e situr dhe e trazojmë gjithmonë në mënyrë që të mos krijohen kokrriza.

Pastaj shtojmë ngadalë edhe qumështin e nxehtë. I trazojmë mirë në mënyrë që të kemi një masë homogjene dhe e lemë në zjarr të ngadaltë derisa masa të trashet. Pasi është trashur budingu fikim zjarrin dhe e hedhim në enën që dëshirojmë. Mund ta hedhim direkt në një formë të vetme ose nëse preferojmë në forma të vogla për një person.

E lemë të ftohet pak budingu e më pas e fusim në frigorifer për të paktën dy orë.

Më pas nxjerrim budingun nga frigoriferi, e hedhim në pjata dhe e zbukurojmë sipas dëshirës e fantazisë tonë. Mund ta zbukurojmë me pana e fruta të ndryshme ose e shijojmë kështu siç është.