Receta për Bigné (Pasta shu)

Pasta shu është brumë i zier dhe i pjekur në furrë. Kjo lloj paste nuk ka nevojë për forma, pasi piqet thjesht në një tavë me letër furri sipër. Me të krijojmë forma të vogla ( bigné), të cilat pasi janë ftohur i mbushim me kremëra të ndryshëm si kremi pastiçier, kremi me çokollate apo reçel. Këto bignè mund të mbushen edhe me salca të kripura të bëra me djathëra të ndryshëm e erëza.

Receta për Bigné (Pasta shu)

Përbërësit

  • 100 gr gjalpë
  • 130 gr miell
  • 200 ml ujë
  • 3 vezë
  • pak kripë
  • 5 gr sheqer

Përgatitja

  • Në një tenxhere hedhim ujin, gjalpin, sheqerin dhe pak kripë. Vendosim tenxheren në zjar dhe e trazojmë ngadalë. Sapo ujë të fillojë të ziejë, heqim tenxheren nga zjarri dhe shtojmë me kujdes miellin e situr mirë duke e trazuar fort që të mos krijohen kokrriza. Vendosim tenxheren në zjarr të ulët dhe e trazojmë gjithmonë fort me një lugë druri. Do të shohim që masa do të jetë gati kur brumi të shkëputet nga tenxherja, dmth. që brumi është gati. Hedhim brumin në një enë qelqi dhe e lemë të ftohet.
  • Pasi brumi është ftohur fillojmë të shtojmë vezët një nga një duke i rrahur me lugë druri. Duhet të kemi kujdes që ti hedhim vezët një e nga një, në mënyrë që të përzihen mirë. Nëse keni një makinë planetare (apo mikser) mund ta bëni këtë proces fare mirë me të.
  • Pasi brumi është gati e marrim dhe e hedhim në xhepin e pastiçierit. Me të formojmë toptha të vegjël ku i vendosim direkt mbi një tavë me letër furri.
  • Vendosim tavën të piqet në furrë të nxehtë 220°C në fillim përreth 15 minuta duke pasur kujdes që të mos hapim kapakun e furrit në këtë kohë. Më pas ulim temperaturën në 180°C dhe i pjekim përreth 10 minuta.
  • Më pas fikim furrën dhe i lemë bigné në furrë për 15 minuta duke hapur pak kapakun e furrit në mënyrë që të thahen mirë brenda.

Notes

Përgatitja e pasta shu

Më pas i nxjerrim bignè dhe i lemë të ftohen. Tani ato janë gati për mbushjen që dëshirojmë.

Ju bëftë mirë!

0 Shares
4 comments
  1. Pershendetje,
    do te doja te dija nqs kete brum Mund ta pjekim ne forma te vogla rrethore,besoj se forma do te dilte me e rregullt sesa thjesht ne nje tave. Apo mos ndoshta ne keto forma nuk thahet ashtu si duhet?
    Pres pergjigjen tuaj
    dk

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Waffle – Embëlsira belge

Waffle apo siç mund të njihen ndryshe me emrin gaufre, janë ëmbëlsira në formë petulla qe piqen në piastër të posaçme. Recetat e waffle janë të ndryshme në gjithë Evropën, ne kemi zgjedhur ato pak të ëmblat dhe një shijë delikate.

Ëmbëlsirë Cheesecake me kos

Cheesecake me kos është një ëmbëlsirë që ka gjithmonë sukses kur ia shërbeni miqve tuaj. Kjo ëmbëlsirë e shijshme e gatuar me kos dhe pana mund të shërbehet në fund të vaktit duke i hedhur sipër pak reçel ose çokollatë të shkrirë.

Receta për Cheesecake

Cheesecake ose tortë djathi është një ëmbëlsirë me origjinë amerikane por tashmë e njohur në gjithë botën. Ka shumë variante për të bërë cheesecake si psh. me çokollatë, me fruta të ndryshme por ne sot kemi sjellë këtë recetë klasike.

Amareta – Receta për Embelsira

Kur flasim për amareta, mëndja na shkon tek gjyshet tona të cilat janë të pa përtuara për përgatitjen e këtyre biskotave që të shkrihen në gojë. Amaretat janë shumë të mira dhe të pëlqyeshme për fëmijët.

Krostatë me reçel kajsie

Krostatë me reçel kajsie është një ëmbëlsirë tipike verore e shpejtë dhe shumë e shijshme. Baza me brumë të shkrifet dhe sipër aroma fantastike e reçel kajsie, recetën që mund ta lexoni në faqen tonë ArtiGatimit.com