Antipasta (Meze)
Komente nga Fb - Shkruaj një koment

Avokado me karkaleca

Një antipastë perfekte për festa është sallata e avokado me karkaleca. Kjo është një recetë gatimi shumë e thjeshtë, e freskët dhe delikate. Nuk kërkon shumë mundim në përgatitje por rezultati përfundimtar është me të vërtetë fantastik.

Përbërësit për Avokado me karkaleca


  • 2 avocado të pjekur

  • 300 gr karkaleca të vegjël të qeruar

  • 4-5 arra të qeruara

  • 1 limon

  • 4 luge majonezë

  • 1 luge ketchup

  • 1 luge pana 

  • pak kripë

  • pak piper

  • pak vaj ulliri

  • pak majdanoz i grirë holle

Përgatitja e antipastes

Fillimisht ziejmë për pak minuta karkalecat në një tenxhere me avull. Pasi janë zierI hedhim pak kripë e piper e pak vaj ulliri.
Më pas i lemë mënjanë të ftohen.
Vazhdojmë me përgatitjen e salcës.Në një enë qelqi hedhim majonezën, ketchup dhe panën dhe i përziejmë fort së bashku derisa të arrijmë një masë homogjene. 
Pasi janë ftohur karkalecat i përziejmë me salcën e përgatitur.
Marrim avokadon dhe e presim në mes duke i hequr bërthamën në mes.

receta gatimi festa san valentino-avocado-karkaleca-gatime

Me një luge  heqim pak nga pjesa e brendshëme e tulit duke pasur kujdes të mos e prishim lëkurën e jashtme pasi gjysma e avokados do të  na shërbejë si pjatë. U hedhim pak kripë,piper e lëng limoni avokados sipër. 
Pjesën e tulit të avokatos e presim në copa dhe e shtojmë te karkalecat. I përziejmë mirë dhe me një lugë mbushim gjysmat e avokados. çdo gjysme avokadoje i vendosim sipër nga një thelbi arre.
Pjata avokado me karkaleca është gati për tu shërbyer.

Shoqërohet me një gotë vere të bardhë.

Ju bëftë mirë!

Shkruani komentin tuaj - Komente