Tortë e thjeshtë me qumësht (Ciambella)

Ne e kemi quajtur tortë me qumësht dhe në kllapa kemi shkruajtur titullin origjinal 'Ciambella'. Në fakt ky i fundit është emri i kësaj torte për shkak të tavës që piqet,( një tavë e rrumbullakët me vrimë në mes).

Tortë e thjeshtë me qumësht (Ciambella)

Përbërësit

  • 300 gr miell
  • 200 gr sheqer
  • 3 vezë
  • 150 gr gjalpë
  • 180 ml qumësht
  • pak kripë
  • 1 pako maja për ëmbëlsira
  • pak vanilje
  • pak lëkurë limoni
  • pak sheqer pluhur për sipër

Përgatitja

  • Hedhim në një enë vezët dhe sheqerin. I rrahim fort me rrahësin elektrik ose nëse keni mikser më mirë.
  • Shtojmë miellin e situr të përzier me majanë, vaniljen dhe pak kripë. Vazhdojmë të përziejmë përbërësit. Më pas shtojmë gjalpin e shkrirë dhe qumështin, ( nëse shohim që masa është e fortë shtojmë edhe pak qumësht dhe e kundërta, nëse shohim që masa është shumë e qullët i shtojmë pak miell).
  • Në fund i grijmë pak lëkurë limoni dhe e përziejmë ngadalë. Hedhim masën në tavën e lyer më parë me pak gjalpë e miell, ( nëse nuk keni tavë me vrimë në mes, mund ta hidhni në një tavë të thjeshtë të rrumbullakët). Pjekim ëmbëlsirën në furrë të nxehtë 180°C përreth 30-35 minuta.
  • Pasi është ftohur torta e vendosim në pjatancë dhe i hedhim sheqer pluhur sipër. Presim tortën në copa dhe e servirim.

Notes

Përgatitja

Ju bëftë mirë nga ArtiGatimit.com!

Torte-e-thjeshte-Ciambella-receta-italiane-gatime-arti-a

0 Shares
3 comments
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Receta për Bakllava Shqiptare

Bakllavaja është një ëmbëlsirë shumë e njohur në vendet ballaknike dhe jo vetëm. Kjo ëmbëlsirë është e bërë me petë të mbushura me arra, (bajame, lajthi,pistak në disa vende), dhe e regjur me sherbet ose mjaltë në disa vende të tjera. Thuhet që origjina e bakllavasë vjen nga Turqia. Në ditët e sotme kjo ëmbëlsirë është e njohur nga të gjithë.

Torta me çokollatë e gjalpë kikiriku

Kjo tortë është me të vërtetë një nga ëmbëlsirat më të mira e më të forta. Duket e vështirë, por është një recetë e thjeshtë që nuk ka nevojë as të piqet në furrë. është një lloj cheescake e në bazë të kësaj torte është gjalpi i kikirikut që përdoret shumë në Amerikë.

Biskota me dy ngjyra

Biskotat janë ëmbëlsirat më të thjeshta për tu përgatitur. Këto biskota me dy ngjyra janë shumë te veçanta. Kakao e përdorur në recetën e këtyre ëmbëlsirave jep një kontrast të këndshëm.