Këto rolè të vogla janë me të vërtetë të shijshme, dhe i pëlqejnë si të mëdhenjve edhe fëmijëve. Kjo është një pjatë e dytë, e thjeshtë dhe e mirë, e cila bëhet me feta mishi të mbledhura brenda me kunguj dhe proshutë. Këto rolè mund të përgatiten edhe një ditë më parë, i lemë në frigorifer dhe i skuqim në momentin kur ti servirim.
Rolé të vogla mishi me kunguj e proshutë
Përbërësit
- 500 gr mish derri i prerë në feta të gjata të holla
- 2-3 kunguj
- 150 gr proshutë
- pak verë të bardhë
- pak kripë
- pak piper
- pak vaj ulliri
Përgatitja
- Marrim kungujt, i lajmë, më pas i presim në feta për së gjati. I pjekim në zgarë nga të dyja anët. I vemë në një pjatë dhe i hedhim pak kripë sipër.
- Marrim fetat e mishit, shtrojmë sipër një fetë proshutë dhe një fetë kungulli. Më pas i mbledhim dhe i bëjmë rolè. I mbyllim me një ose dy kruajtëse dhëmbësh. Vazhdojmë në këtë mënyrë me të gjitha fetat e mishit.
- Kur ti kemi mbaruar të gjitha, marrim një tigan ku kemi hedhur vaj dhe i vendosim roletë të skuqen. I skuqim mirë nga të dyja anët. Më pas i shuajmë me pak verë të bardhë.
- I hedhim pak kripë dhe piper. I mbulojmë me kapak dhe i lemë të piqen me zjarr shumë të ulët. I heqim dhe i shërbejmë të ngrohta,( mos harrojmë të heqim kruajtëset e dhëmbëve). Mund ti shoqërojmë me një sallatë jeshile.
Ju bëftë mirë
