Si të gatuajmë Fasule pa shumë mundim

128 Shares
124
0
4
Në stinën e dimrit fasulet kanë qënë dhe janë ndoshta ushqimi tipik i shqipëtarëve. Por duke patur parasysh vetitë shëndetësore të tyre, ne nuk jemi i vetmi popull që i përdorim.

Si të gatuajmë Fasule pa shumë mundim

Prep Time20 mins
Cook Time30 mins
Total Time50 mins
Course: Main Course
Cuisine: Albanian
Keyword: gjelle
Sasia: 4 persona
Kalori: 230kcal

Përbërësit

  • 500 gr fasule
  • 1.5 litra ujë
  • 2 kokrra qepë
  • 2 karrota
  • salcë domate ose spece
  • 2 speca
  • majdanoz
  • kripë
  • 2 gjethe dafine

Përgatitja

  • Fasulet pastrohen, lahen dhe lihen në një enë qelqi me ujë, një natë para se ti ziejmë. Në mëngjes, derdhim ujin dhe i hedhim në një tenxhere me ujë të nxehtë.
  • I lemë fasulet sa të marrin valën e parë. I kullojmë dhe në tenxhere hedhim masën e ujit të cilin e kemi vluar.
  • I hedhim brenda qepët, karrotat, selino dhe i lemë të ziejnë.
  • Koha e zierjes së fasuleve varet nga lloji i fasules dhe nëse është e re apo e vjetër. Megjithatë fasulet që vihen në ujë që në darkë, duan 30 minuta në tenxhere me presion.
  • Pasi fasulet kanë zier, përgatitim salcën.
  • Në një tiganë me vaj ulliri kaurdisim një qepë të grirë imët, ose një të bardhë preshi. Hedhim salcën. Më pas këtë masë e hedhim në tenxheren me fasule. E rregullojmë me kripë dhe e trazojmë.
  • Fasulet i lemë 5 minuta të ziejnë bashkë me salcën.
  • Fasulet shoqërohen me turshi ose ullinj.

Konsumimi i fasules në mënyrë të rregullt ndihmon në përmirësimin e shëndetit në forma të ndryshme. Ato ndihmojnë në kontrollin dhe uljen e diabetit, ulin nivelin e kolisterolit dhe të triglicerideve dhe ndihmojnë në balancimin e peshës nëpërmjet kombinimit perfekt të proteinave dhe fibrave. Fasulet dallohen për përmbajtjen e elementëve të veçantë si: folat, magnez, hekur, kalium.
Në bazë të studimeve ekzistojnë rreth 70 lloje fasulesh. Në vendin tonë është kultivuar dhe kultivohet më shumë fasulja e bardhë kokërr e madhe dhe kokërr e vogël, fasulja e kuqe, e zezë, e verdhë dhe laramane.

Ju bëftë mirë nga Artigatimit

128 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Kungull tave në dy versione

Receta për kungull tavë është një mënyrë e thjeshtë për të përgatitur këtë perime. Kjo recetë gatimi është një gatim tradicional që përdorej shumë nga gjyshet tona, të cilat i ruanin kungujt në vend të errët dhe pa lagështi dhe kështu kishin kunguj për gjatë gjithë dimrit.

Imam Bajalldi – Patëllxhanë mbushur

Imam bajalldi është pjata verore më e shijshme. Ka shumë versione të recetës për Imam Bayildi, varet nga zonat e vendit tonë. Por ajo që është e rëndësishme se kjo pjatë është e lehtë për tu përgatitur dhe shumë e mirë.

Receta Japrak me Mish të grirë

Japrak me mish është një versin tjetër i recetës japrak me gjethe rrushi. Kjo recetë përgatitet në pranverë kur gjethet janë të njoma. Por edhe më vonë ne mund te përdorim gjethe nga majat e hardhive të rrushit.

Harapash me të brendshme qengji

Harapash është një pjate karakteristike e Labërisë. Nëse shkon në zonën e Llogarasë nuk duhet të largoheni pa e provuar këtë pjatë fantastike sepse është me të vërtetë një gatim shumë i shijshëm