Si të gatuajmë Pastiço me mish të grirë

92 Shares
92
0
0
Një nga recetat e gatimit që ju rekomandojmë në prag festash është dhe kjo pastiço me mish të grirë. Kombinimi i përbërësve në këtë recetë i jep pjatës një shije të veçantë.

Pastiço me mish të grirë

Prep Time30 mins
Cook Time30 mins
Total Time1 hr
Course: Main Course
Cuisine: Albanian
Keyword: makarona
Sasia: 6 persona
Kalori: 170kcal

Përbërësit

Për pastiçio

  • 500 gr makarona të gjata
  • 300 gr mish të grirë
  • 1 kokërr qepë
  • 1 kokërr domate
  • 100 ml salcë domate
  • 5 lugë gjellë vaj ulliri
  • 100 gr djath kackavall ose parmigiano
  • majdanoz i grirë
  • pak piper
  • pak kripë

Për salcën

  • 2 lugë gjalpë
  • 2 lugë miell
  • 2 gota qumësht
  • arrë muskat

Përgatitja

  • Përgatitjen e pastiço me mish të grirë e ndajmë në tre pjesë. Në fillim vendosim në zjarë një enë me ujë të bollshëm. Pasi uji fillon të ziej, hedhim kripën dhe më pas makaronat dhe i lëmë 5-7 minuta.
  • Kullojmë makaronat dhe merremi me mbushjen. Në enë me vajë kaurdisim qepën për 5 minuta dhe më pas hedhim mishin e grirë. I kaurdisim së bashku për 5-6 minuta duke i shtuar me radhe domaten e prerë në kubik, salcën e domates, pak kripë, piperin dhe një gotë ujë. Masën e lemë të ziejë në zjarr të ulët dhe me pas hedhin majdanozin e grirë hollë.
  • Gjatë kësaj kohe përgatitim salcën. Shkrijmë gjalpin në një enë dhe shtojmë miellin duke e kaurdisur për 5 minuta. Më pas shtojmë qumështin e ftohtë dhe e përziejmë të mos na bëhet kokrra. Shtojmë pak arrë muskat. Nëse masa del e trashë mund ti shtojmë pak qumësht.
  • Lyejmë tavën me gjalpë dhe hedhim gjysmën e masës së makaronave dhe një shtresë të hollë me djathin e grirë në rende. Sipër shtojmë mbushjen duke e hapur me kujdes në të gjithë tavën.
  • Më pas pjesën tjetër të makaronave, salcën dhe sipër djathin e grirë. Tavën pastiço me mish të grirë e pjekim në furrë të nxehur më parë në temperaturën 180 gradë C për 30 minuta.

Lexoni gjithashtu recetat për Pastiço me perime, pastiçe me djathë apo edhe recetën për lazanje.

Ju bëftë mirë!

92 Shares
Lini një Përgjigje

Adresa juaj email s’do të bëhet publike.

Recipe Rating




You May Also Like

Harapash Korçe

Harapash Korçe, është receta e radhës ne Arti Gatimit. Kjo recetë përgatitet me miell misri dhe përdoret më shumë në zonën e Korçës, siç mund ta keni kuptuar nga emri.

Tavë me bathë e kumbulla

Batha, kjo bimë bishtajore është e përbërë pothuajse e gjitha nga ujë dhe në pjesë të vogla nga karbohidrate, proteina e fibra. është e pasur me kripëra minerale e vitamine të grupit B. Midis të gjitha bishtajoreve të tjera, bathët janë të vetmet që kanë më pak kalori. Receta që ne sjellim është e thjeshtë dhe me një shije të veçantë sepse është ndërthur ëmbëlsia e kokrrave të bathës së freskët me thartësinë e kumbullës.

Pastiçe me djathë

Pastiçja është një pjatë shumë e shijshme dhe që pëlqehet si nga të vegjëlit dhe të mëdhenjtë. Kjo pjatë shërbehet si pjatë e vetme sepse në të kemi si vezë edhe djathin.