Pastiçe me djathë është një pjatë shumë e shijshme dhe që pëlqehet si nga të vegjëlit dhe të mëdhenjtë. Kjo pjatë shërbehet si pjatë e vetme sepse në të kemi si vezë edhe djathin.
Mund ta shoqërojmë me një sallatë të stinës ose perime në furrë o në zgarë.
Pastiçon mund ta përgatisim edhe me mish të grirë ose perime, por ne sot e kemi përgatitur me djathë.

Përbërësit për Pastiçe me djathë

• 500 gr makarona të gjata ( spaghetti)


• 1 e 1/2 ml qumësht


• 4 vezë


• 400 gr djathë i bardhë lope


• 100 gr djathë i grirë


• 100 gr gjalpë


• pak kripë


• pak piper (sipas dëshirës)

Video Receta Pastiçe me djathë

Përgatitja Pastiçe me djathë

Marrim një tenxhere, e mbushim me ujë dhe e lemë të ziejë. Kur të ziejë uji i hedhim pak kripë, shtojmë makaronat dhe i lemë të ziejnë pak, rreth 5 minuta.
Ndërkohë në një enë qelqi thyejmë vezët dhe i rrahim. Shtojmë djathin e bardhë të shtypur. I trazojmë mirë.
Më pas shtojmë dhe qumështin e ftohtë.
Kullojmë makaronat dhe i shtojmë në enën e qelqit. I trazojmë mirë të gjithë përbërësit.
Marrim një tepsi dhe e lyejmë me gjalpë. Hedhim në të masën e përgatitur. E sheshojmë mirë. Sipër i hedhim copa gjalpi dhe djathë të grirë.

Vendosim tepsinë të piqet në furrë të nxehtë 220°C përreth 30 minuta. Më pas fikim furrën dhe e lemë pastiçon në furrë përreth 10 minuta.
Pastaj e nxjerrim tepsinë, e lemë të ftohet pak, e presim pastiçen në copa dhe e shërbejmë.
Pastiçon mund ta shërbejmë edhe si pjatë të vetme.

Ju bëftë mirë nga ArtiGatimit.com