Kjo është një mënyrë e veçantë për të gatuar pulën, më saktësisht mishin e bardhë të pulës (pjesën e kraharorit). Një pjatë e thjeshtë për tu përgatitur, dhe e shpejtë sepse mishi i bardhë piqet shumë shpejt. Mishin e shoqërojmë me kunguj dhe sallate rukola.
Pulë me Kunguj e Rukola
Përbërësit
- 400 gr mish pule pjesa e bardhë, e kraharorit
- 2-3 kunguj te vegjël
- 1 domate
- 100-150 gr sallate rukola
- disa gjethe sherebele
- pak kripë
- pak vaj ulliri
- pak miell
Përgatitja
- Presim mishin në copa të vogla, e lyejmë me pak miell. Ne një tigan hedhim pak vaj ulliri dhe e vëmë në zjarr, hedhim mishin, e skuqim nga të dyja anët. Kungujt, pasi i kemi larë i presim në copa të vogla, dhe i bashkojmë me mishin.
- I kavërdisim bashkë me mishin e më pas i shtojmë dhe domaten prerë në copa të vogla. I shtojmë gjethet e sherebelës, pak kripë. Mbulojmë tiganin me kapak dhe e lemë me zjarr të ulët, pas disa minutash mund ti shtojmë pak ujë, rreth 100 ml.
- Pasi është zier, e fikim zjarrin dhe në momentin e fundit shtojmë rukolën. E shërbejmë pjatën e ngrohtë.
Notes
Ju bëftë mirë!
