Byrek Role me Spinaq

Byrek role mbushur me spinaq është një mënyre e veçantë përgatitje. Me pak përbërës, kjo pjatë është e pasur në minerale dhe me një shije delikate. Byrek role është një pjate e thjeshte për tu përgatitur, le të ndjekim hapat në video recetën që kemi përgatitur.

Byrek Role me Spinaq

Prep Time35 mins
Cook Time25 mins
Total Time1 hr
Course: Snack
Cuisine: Albanian
Keyword: byrek
Sasia: 6 persona
Kalori: 170kcal

Video

Përbërësit

Për petët

  • 300 gr miell
  • 100 ml vaj ulliri
  • 150 ml ujë i vakët
  • pak kripe

Për mbushjen

  • 300 gr spinaq
  • 1 kokërr qepë
  • 1 fetë djathë i bardhë
  • majdanoz
  • kripe
  • piper
  • 10 ml vaj ulliri

Përgatitja

  • Fillojmë përgatitjen e recetës me brumin. Në një enë hedhim miellin dhe shtojmë vajin e ullirit. Me pas hedhim dhe pak ujë dhe fillojmë të përziejmë miellin. Shtojmë vazhdimisht ujë dhe përziejmë mire masën. Vazhdojmë ngjeshim brumin e formuar për rreth 15 minuta.
  • Pasi brumi ka arritur elasticitetin e duhur, siç mund të bëjmë dhe provën duke e shtypur, e vendosim në enë dhe e lëmë të pushoj për te paktën 30 minuta. Enën duhet ta mbulojmë më rrobë ose me qeske kuzhine.

Përgatitja e mbushjes

  • Vendosim një enë ne zjarr dhe hedhim pak vaj ulliri. Shtojmë qepen e grirë hollë. Pak më vonë shtojmë spinaqin dhe e mbulojmë për 5 minuta.
  • Shtojmë kripë dhe piper sipas dëshirës. Spinaqin e vendosim në një ene dhe sipas preferencave mund të shtojmë edhe një fetë djathë të bardhë. Grijmë sipër majdanos.
  • Pasi brumi ka pushuar vazhdojmë me hapjen e petëve. Përgatitjen e petës e gjeni ne videon më sipër. Hapim petën mjaftueshëm dhe spërkatim sipër pak vaj ulliri duke e hapur me furçë kuzhine.
  • Petës i palosim një pjese dhe shtojmë sipër spinaqin. Pasi e kemi sistemuar mirë, kalojmë petën sipër dhe me kujdes fillojmë ta mbledhim role.
    Rolen e formuar, e vendosim në një tavë të lyer me vaj ulliri.
  • Vazhdojmë të njëjtën procedure edhe me brumin e ngelur. Në fund hedhim edhe pak vaj ulliri sipër çdo role.
  • Byrekun role me spinaq e pjekim për rreth 25 minuta në temperaturën 180 gradë celsius. Pasi ftohet, e presim ne copa dhe e shërbejmë.
  • Byrek role me spinaq mund ta shërbejmë të shoqëruar me kos i bardhe ose me djathë të bardhe.

Ju befte mire!

Mos harroni te shpërndani recetën në Facebook!

Ju këshillojmë edhe recetat e Byrek Tradicional me Spinaq, Byrek me Fasule, Byrek me Mish.

108 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Super Qofte e mbushur

Kjo është një pjatë për gjithë familjen. E kush nuk i pëlqen qoftet!Në këtë recetë ne japim një mënyrë të veçantë për ti përgatitur ato: një qofte rolè e mbushur brenda me djathë e proshutë. Një recetë e shpejtë dhe sidomos e shijshme.

Lakror dy pete mbushur me hithra

Hithra është mbretëresha e bimëve popullore që pastron gjakun. Ky lakror dy pete mbushur me hithra duhet te jetë në tavolinën tuaj pothuajse çdo javë. Ne do të japim një recetë gatimi të thjeshtë të kuzhinës shqiptare.

Sallatë Quinoa me perime në grill

Sallatë quinoa me prime është një pjatë e freskët dhe plot vlera ushqimore, një variant i sallatës me oriz apo përgatitjes së cous-cous me prime. Quinoa shqiptohet kinoa dhe pse nga forma mund të ngjajë si një drithër, ajo futet ne familjen e barishteve. Quinoa është e pasur me proteina e nuk përmban gluten dhe ka një shije delikate.

Mish me surprizë

Kjo pjatë është një pjatë e dytë, por fare mirë mund të përgatitet dhe për një aperitiv. Ju ka qëlluar ndonjëherë që të keni gatuar shumë dhe ditën tjetër nuk dini se ç'të bëni me gjithë ushqimin e mbetur? Kjo është një nga ato receta që riciklon atë që na ka mbetur në frigorifer. Ne në këtë recetë kemi përdorur rolenë e pulës, por ju fare mirë mund të vini cdo lloj mishi që keni për momentin, mund të vini në vend të proshutës sallame të ndryshëm. është një recetë e shpejtë dhe e shijshme.