Muffins me mollë dhe me kanellë janë kaq të shijshme. Copat e mollës në brëndesi të shoqëruar me aromën e kanellës do ju ndryshojnë ditën. Receta e preferuar e muffin për një shije dhe aromë të mahnitshme, perfektë për t’u shijuar në çdo kohë.
Muffins me mollë dhe me kanellë janë kaq të shijshme sidomos nëse e provoni me mollë të llojit Honeycrisp ose Fuji.
Muffins me Mollë dhe me Kanellë
Sasia: 8 cope
Përbërësit
- 400 gr miell
- 4 kokrra mollë
- 150 gr gjalpë
- 150 gr sheqer
- 2 kokrra vezë
- 1 ugë çaj ekstrakt vanilje
- 150 ml qumësht
- gjysme ugë çaj fryrës për ëmbëlsira
- gjysme ugë çaj kripë
- 2 lugë gjelle kanellë
Përgatitja
- Para se te fillojmë me përgatitjen ju këshillojmë te nxehni furrën në 180°C.
- Hedhim në një enë miellin, pluhurin fryrës për ëmbëlsira, pak kripë dhe kanellën. I trazojmë të gjithë përbërësit.
- Lajmë mirë mollët dhe i pastrojmë. Sipas dëshirës mollët i dhe mund ti qëroni nga lëkura por nëse ato janë biologjike ju këshillojmë ta lini. Hedhim pak nga masa e thatë tek mollët.
- Rrahim së bashku sheqerin dhe gjalpin derisa të kemi një masë si shkumë, do te na duhen rreth 3 minuta. Shtojmë më pas vezët një e nga një. Shtojmë dhe pak ekstrakt vanilje.
- Tashmë e bashkojmë me masën e thatë qe përgatitëm ne fillim. E trazojmë më avash të gjithë masën për muffin.
- Shtojmë dhe mollët e prera në copa dhe e trazojmë disi sapo mollët të mbulohen.
- Në enë për muffin hedhim nga masa e brumit deri 3/4 e enës, nuk duhet ti mbushim plotë.
- Vendosim tavën me muffin me mollë dhe kanellë në furrë për pjekje dhe i lëmë rreth 30 minuta. Gjithsesi koha është e ndryshueshme nga tipologjia furrës dhe duhet ta kontrolloni here pas here.
Muffin me mollë dhe me kanellë janë gati dhe mos harroni të na bëni tag ne Instagram me recetën që keni gatuar.
