Muffin me kungull të ëmbël duhen provuar të paktën një herë në periudhën e vjeshtës. Kungulli mund të integrohet fare mirë në të gjitha recetat për ëmbëlsira, mund të themi se e mbizotëron tavolinën e kësaj stine.
Muffin me kungull të butë dhe me sheqer pluhur sipër. Flagranca që mbajnë sapo dalin nga pjekja është e pa përshkruar. Për të përgatitur këtë recetë na duhen këto produkte të freskëta.
Muffin me kungull
Sasia: 6 persona
Kalori: 230kcal
Përbërësit
- 100 gr kungull
- 250 gr miell
- 200 gr qumësht
- 80 gr gjalpë
- 60 gr sheqer të trashë
- 2 kokrra vezë
- 6 gr maja për fryrje
- pak kripë
Përgatitja
- Përgatitja e muffin me kungull është shumë e thjeshtë. Si fillim pastrojmë kungullin dhe e presim në kubik të vegjël. E vendosim në zjarre me ujë për të paktën 16 minuta. Më pas e bëjmë pure me ndihmën e një pirua.
- Në një enë tjetër hedhim miellin, pluhurin për fryrje, gjalpin, qumështin, sheqerin dhe pak kripë. I trazojmë mirë të gjithë përbërësit dhe me pas shtojmë dhe vezët. Me pas hedhim edhe kungullin e bërë pure. Trazojmë mirë brumin derisa të përftojmë një masë homogjene.
- Në këtë pikë brumi është gati. Për të përgatitur muffin me kungull na duhen disa forma. I lyejmë pak me gjalpë nëse nuk përdorni veshjet prej letre dhe me pas hedhim nga përbërja e brumit që kemi përgatitur. Mund të përdorim një lugë për akullore, pasi thjeshton shumë këtë proces.
- Muffin me kungull i pjekim në furre të para ngrohur në temperaturën 180° për 20 minuta. Pasi janë pjekur, i lëmë të ftohen përpara se ti shërbejmë.
- Këto ëmbëlsira janë ideale për të festuar Halloween dhe mund të dekorohen sipas fantazisë.
Receta të tjera që mund tu pëlqejnë me kungull janë rizoto me kungull, supe me kungull ose kek me kungull.
