Receta per supa
Shkruaj një koment

Supë krem me patate dhe kungull

Përgatitja: 20 min - Pjekja: 40 min - Sasia: 4 Persona
Dhe pse në prag të pranverës një supë krem me patate dhe kungull mund të shijojë shumë. Përgatitja e kësaj supës është shumë e thjeshtë dhe nuk kërkon shumë kohë por mbi të gjitha është shumë e shijshme dhe përmban shumë vlera ushqimore.

Supë krem me patate dhe kungull

Përbërësit

  • 800 kg kungull
  • 250 gr patate
  • 1 l lëng perime
  • 2 kokrra qepë e bardhë
  • vaj ulliri
  • kanellë
  • arrë moskat
  • piper
  • kripë
  • 4 feta buke

Përgatitja

  • Si fillim përgatisim lëng perime, recetën e gjeni nën kategorinë receta bazë. Më pas kalojmë në pastrimin e kungullit. Duhet ti heqim lëkurën dhe ta pastrojmë nga farat. Më pas kungullin e presim në kubik të vegjël. Gjithashtu qërojmë dhe presim në kubik edhe patatet.
  • Në një tigan hedhim vaj ulliri dhe qepën e prerë hollë. Pasi të marri një skuqje të lehtë shtojmë pjesët e kungullit së bashku me patatet. I lëmë për rreth 5 minuta të dy përbërësit në zjarre.
  • Më pas shtojmë pjesë pjesë deri në gjysmën ë lëngut të perimeve. Më pas rregullojmë kripën, hedhim piper të zi, pak kanellë dhe pak arrë moskat. I lënë në zjarr të ulët për 30 minuta ose deri kur ujë të rrallohet.
  • Shtojmë pjesën tjetër të lëngut dhe e lëmë përsëri për disa minuta në zjarre. Për të bërë supën krem, na duhet një grirës me zhytje.
  • Heqim nga zjarri supë krem me kungull dhe fillojmë të zhysim direkt grirësin elektrik. Vazhdojmë ti grijmë derisa të arrijmë një masë krem dhe uniforme pa kokrriza.
  • Nëse supa është akoma shumë ë lëngët, e lëmë e rikthejmë për disa çaste në zjarre.
  • Supë krem me patate dhe kungull është gati dhe e shërbejmë me fara të ndryshme sipër ose copa buke të thekura. Presim disa feta buke dhe me pas i bëjmë katrore. Hedhim pak vaj dhe erëza. I vendosim në furrë të nxehur për 10 minuta në temperaturën 150°C.

Notes

Përgatitja supë krem patate dhe kungull

Ju bëftë mirë!

Lexoni gjithashtu recetën për Byrek me kungull

Na ndiqni në Instagram @ArtiGatimit dhe vendosni tag #artigatimit recetat që gatuani!

Lini një Përgjigje

Your email address will not be published. Required fields are marked *


Komento nga Facebook!

Shkruani komentin tuaj - Komente