Receta per Supe Franceze

103 Shares
103
0
0
Supa franceze ose supa me qepë (soupe à l'oignon) është një pjatë shumë e njohur në Francë dhe jo vetëm. Kjo pjatë është tradicionale edhe për shumë vende të tjera pasi është një pjatë e varfër, me pak përbërës ku mbizotëron qepa. Këtë pjatë të thjeshtë por me një shije të mrekullueshme, e gjejmë në restorantet më të mira franceze. Ne falenderojmë lexuesen e rregullt të faqes tonë, Suada, që na ka dërguar këtë recetë.

Receta per Supe Franceze

Përbërësit

  • Për 8 persona duhen

  • 2 kg qepë të mëdha të grira imët me thikë
  • 100 gr gjalpë
  • 1/2 lugë çaj sheqer geshtenje
  • 2 lt lëng mishi
  • 1 lugë gjelle me miell
  • 150 ml verë e bardhë
  • 2 lugë gjelle whisky
  • pak kripë
  • pak piper
  • Për pjesën sipër duhen

  • 50 gr gjalpë i shkrirë
  • 16 feta buke te thekura baguette
  • 1 thelpi hudhër
  • 180 gr groviera e grirë lloj djathi

Përgatitja

  • Shkrijmë 75 gr gjalpë në një tigan të madh ose tenxhere me kapak,në zjarr te ngadaltë.Shtojmë qepët,mbulojmë tiganin me kapak dhe i lemë te piqen avash avash përreth 15 minuta,duke i përzier herë pas here.Heqim kapakun,ngremë zjarrin dhe shtojmë sheqerin.E skuqim dhe përreth 45 minuta të tjera duke e përzier vazhdimisht.
  • Në një tenxhere tjetër hedhim lëngun e mishit dhe e lemë derisa të ziejë. Shkrijmë në një enë të vogël dhe pjesën tjetër të gjalpit. Te gjalpi shtojmë miellin dhe 2 lugë lëng mishi. Përziejmë masën derisa të mpikset dhe në vazhdim e hedhim te tenxherja me lëngun e mishit.I trazojmë mirë.
  • Kur qepët të jenë gati,shtojme verën dhe e lemë derisa të avullojë dhe pastaj shtojmë lëngun e mishit.Përziejmë supën vazhdimisht derisa të marri valë dhe e lemë të ziejë për 30 minuta pa e mbuluar tenxheren.
  • Më pas shtojmë ëhiskin, pak kripë e pak piper dhe nëse mundemi e lemë supën 24 ore pa e servirur.
  • Dhe kur të duam ta servirim supën, e hedhim në tava të vogla (sa për një person).
  • Ndërkohë përgatisim fetat e bukës për tia vendosur sipër. Grijmë hollë hudhrën dhe e përziejmë me gjalpin. Spërkasim fetat e bukës me këtë përzierje dhe pak djathë. Fusim në furrë fetat e bukës për disa minuta sa të thahen pak.
  • Më pas vendosim mbi çdo tavë nga dy feta buke, hedhim sipër djathë groviera të grirë (duhen mbuluar me djathë komplet fetat e bukës). Vendosim tavat në furrë të nxehtë 250°C për disa minuta, derisa të jetë krijuar sipër një kore e artë. Më pas e nxjerrim nga furra dhe servirim menjëherë supën duke i dhënë çdo personi nga një tavë të vogël.

Notes

Përgatitja

Ju bëftë mirë nga ArtiGatimit!

receta-supe-franceze-qepe-onion-french-recipe-free-photo-buke

top photo credit: dithie

103 Shares
2 comments
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Si të gatuajmë Supë me domate

Supë me domate përgatitur me domate të freskëta sjell në tavolinë një freski dhe shije fantastike. Një pjatë vetëm pak përbërës dhe shumë e lehtë. Përveç recetës tradicionale, ka shumë mënyra për ta bërë supën me domate edhe më të mirë

Si të gatuajmë krem bizele

Krem bizele është një pjatë e parë shumë e shijshme dhe shije delikate. Kjo supë krem bizele mund të përgatitet edhe me bizele të ngrira, por gjithmonë ju këshillojmë të përdorni perimet e stinës.

Si të gatuajmë Supë me patate

Supë me patate në formë kremoze për një pjatë të parë plot shije. Për të përgatitur këtë recete kemi përdorur lëng mishi pule. Provojeni dhe do të ngeleni shumë të kënaqur.

Supa magjike me rrepa për të humbur peshë

Ne e dimë se rrepa është një ushqim shumë i shëndetshëm. Është i pasur me Vitaminë C, antioksidues dhe minerale thelbësore si kaliumi dhe mangani. Kjo rrit imunitetin tuaj të përgjithshëm dhe gjithashtu zvogëlon rrezikun për probleme të presionit të gjakut.

Supë krem me lulelakër

Supa me lulelakër është një pjatë e parë e shijshme, e lehtë dhe e shëndetshme. Lulelakra është një perime tipike e stinës së ftohtë të dimrit. Me të mund të përgatisim shumë receta të shijshme. Në këtë recetë ne e kemi përgatitur supë krem e cila është shumë e mirë edhe për fëmijët.