Supë krem me kungull

74 Shares
74
0
0
Kungulli është shumë i mirë sepse është i pasur me karrotinë, vitamina B1, B2, PP, A e C dhe i varfër në kalori.Ai gjen një përdorim të gjerë në kuzhinë, duke filluar nga mezetë e ndryshme, makaronat, orizi e deri tek ëmbëlsirat e tortat e ndryshme. Në këtë recetë ne japim një variant të gatimit të kungullit, një supë krem. Kjo supë është një pjatë e lehtë, e shëndetshme dhe e thjeshtë për tu gatuar. është shumë e mirë edhe për fëmijët e vegjël.

Supë krem me kungull

Përbërësit

  • 250 gr kungull
  • 1 patate
  • 2 copë presh pjesa e bardhë
  • pak gjalpë
  • borzilok
  • majdanoz
  • sherebelë
  • rozmarinë
  • kripë
  • piper
  • kanellë

Përgatitja

  • Në një tenxhere hedhim pak gjalpë. Shtojmë preshin e prerë dhe e kavërdisim ngadalë. Më pas hedhim pataten dhe kungullin e prerë në copa. Shtojmë pak ujë ose brodo ( deri sa të mbulohen perimet). Hedhim pak kripë dhe të gjitha erëzat të lidhura me fill kuzhine.E mbulojmë me kapak dhe e lemë të ziejë ngadalë.
  • Pas 20-30 minutash supa do të jetë gati. Heqim erëzat nga tenxherja. Grijmë masën e përgatitur me grirësin elektrik derisa të arrijmë të kemi një krem në ngjyrë portokalli. Hedhim kremin e përgatitur në pjata, shtojmë kanellën pluhur. Nëse dëshirojmë mund ta shoqërojmë këtë supë me copa të vogla buke të thekur.

Notes

Video Receta për Supë krem me kungull

Përgatitja

Ju bëftë mirë

74 Shares
4 comments
    1. Po, jemi duke u munduar ti bejme edhe me video recetat. Keshtu jane me te lehta per tu kuptuar. Provoje receten dhe na shkruaj rezultatin.

      1. po eshte e vertete me lehte me vjen per ta kuptuar kur e shoh dhe videon keni bere nje pun te persosur ju faleminderit .PO ATO EREZAT CFAR MUND TE JEN PER SHEMBULL NESE KENI MUNDESI TE ME TREGONI……

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Receta për Krem Kungulli dhe xhinxher

Supa krem kungulli është një pjatë vjeshte, shumë e mirë dhe e shëndetshme. Mjaftojnë pak përbërës dhe në pak minuta do të kemi gati një pjatë të parë vërtet të shijshme. Shija e ëmbël e kungullit lidhet shumë mirë me shijen karakteristike të xhinxherit. Kungullin mund ta përgatisim në shumë mënyra. Me të gatuajmë si receta të kripura ashtu edhe receta të ëmbla.

Supë krem me finok

Kjo është një pjatë shumë e shëndetshme dhe me pak kalori. Finoku bën shumë mirë për organizmin, ndër të tjerash ndihmon në tretje dhe ka efekt tonifikues.

Receta per Supe Franceze

Supa francese ose supa me qepë (soupe à l'oignon) është një pjatë shumë e njohur në Francë dhe jo vetëm. Kjo pjatë është tradicionale edhe për shumë vende të tjera pasi është një pjatë e varfër, me pak përbërës ku mbizotëron qepa.

Rosnica me pulë fshati

Pula me rosncica është një nga ato pjatat që padyshim duhet provuar. Zakonisht kjo pjatë është shumë e njohur në zonën e Myzeqesë. Mund të themi se makaronat e vogla janë versioni modern i rosnicave të cila janë të gatuara me miell e vezë siç bëhet brumi i makaronave.