Ballakume Elbasani për Ditën e Verës

Ballakume është ëmbëlsirë tipike e Elbasanit që bëhet për Ditën e Verës, 14 Mars, tashmë festë kombëtare. Kjo lloj ëmbëlsire bëhet me pak përbërës, me bazë miellin e misrit. Ka një formulë të veçantë gatimi që njihet vetëm nga elbasanllinjtë vendas. Ballakume Elbasani gatuhet në një enë të madhe bakri, rrihet fort me dorë me një lugë druri dhe piqet në furrë druri. Receta origjinale përmban edhe përdorimin e ujit të finjës ( në ujë të pastër hidhet hi zjarri, lihet disa minuta në qetësi e më pas e kullojmë). Por në pamundësi të hirit mund të shtojmë pak qumësht.

Sot, në vija të përgjithshme ballakumja përgatitet në mënyrën që vijon. Kjo është receta që ne përdordim për të përgatitur Ballakume Elbasani.

Ballakume Elbasani për Ditën e Verës

Prep Time1 hr
Cook Time40 mins
Resting20 mins
Total Time2 hrs
Course: Dessert
Cuisine: Albanian
Keyword: embelsire, kuzhina shqiptare
Sasia: 6 persona
Kalori: 340kcal

Video

Përbërësit

  • 1 kg miell misri
  • 500 gr gjalpë
  • 8 kokrra vezë
  • 1 kg sheqer

Përgatitja

  • Në një enë të madhe hedhim sheqerin, nëse është e mundur të përdoret sheqer i imët (por jo sheqer pluhur). Mund të përdorim një enë qelqi ose siç e thamë më sipër ideale është enë prej bakri e pa kallajisur.
  • Në enë më pas hedhim dhe gjalpin e shkrirë por jo shumë të nxehtë. Të dy përbërësit i rrahim fort derisa të na krijohet një shkumë. Procesi rrahjes mund të zgjas rreth gjysmë ore. Sheqeri së bashku me gjalpin duhet të fijezohet. Nëse e prekim me dy gishta, duhet të hapet fije.
  • Më pas shtojmë vezët një e nga një, duke vazhduar ti rrahim. Kur të hedhim vezën tjetër duhet ta kemi trazuar derisa veza mëparshme të jetë përzier komplet. Pra të kemi parasysh që çdo 3 minuta të hedhim një vezë duke mos e ndaluar rrahjen.
  • Në hapin e fundit, me kujdes hedhim miellin e misrit. Miellin duhet ta hedhim edhe në këtë rast pjesë pjesë duke e trazuar vazhdimisht. E trazojmë mirë në mënyrë që të mos na krijohen kokrriza. Në qoftë se përbërja është shumë e qullët mund ti shtojmë edhe pak më shumë miell.
  • Masën e përgatitur e lemë të qetësohet për 20 minuta. Për ti pjekur ballakumet Elbasanit, në një tavë mund të vendosim letër kuzhine ose ta lyejmë me pak gjalpë dhe spërkatim me miell.
  • Më pas me lugë druri hedhim në tavë brumin pa qënë nevoja ti japim forma. Ballakumet i pjekim në furrë 150°C përreth 40-45 minuta. Ballakume Elbasani mund ti shërbejmë gjatë ditës së verës!

Lexoni gjithashtu recetat për Gliko Arre, Kompekaj apo Sheqerpare.

Ju bëftë mirë dhe Gëzuar ditën e Verës

SHËNIM:
Sasia e gjalpit dhe e vezëve mund të ndryshoj disi nga familja në familje, si dhe rezultati final mund të ndikoje nga mënyra e bluarjes së miellit. Për çdo dyshime mund të lini komentin tuaj në vijim!

559 Shares
6 comments
  1. Sapo kalon 26 min – 2 here ballokumet qe kam pergatitur kane marre ngjyre si te diegur.
    Une vendos temeraturen 335 F ( 170C) dhe 2 here kjo recete ballokumesh ka dale jo me shije jo shume perfekte.
    Nuk e di permasat e produktit nuk jane ne rregull apo temperature e gatimit??

Lini një Përgjigje

Adresa juaj email s’do të bëhet publike.

Recipe Rating




You May Also Like

Receta për brumë sheqeri

Brumi i sheqerit ose 'fondant' është pjesa e sipërme me të cilën zbukurohen tortat ose 'cup cakes'. Veçantia e këtij brumi është që modelohet lehtë sepse ngjan me plastelinën, por kur thahet mban formën e dhënë. 'Fondant' s'është gjë tjetër veçse sheqer pluhur, ujë e glukoz sheqeri dhe për vetë përbërësit mund të ruhet për shumë kohë.

Ëmbëlsira Muffin me Karrota

Një ëmbëlsirë me karrota që mund të shërbehet si për mëngjes apo një mbasdite me një çaj. Kjo ëmbëlsirë muffin është ideale edhe për fëmijët. Nëse dëshironi mund ti shtoni edhe copëza të vogla çokollate. Kjo është dhe një recetë e shpejtë për tortë. Pra nëse dëshironi dhe nuk keni formën e posaçme për muffin mund ta hidhni e ta piqni në një tavë normale për ëmbëlsira.

Kek me dy ngjyra

Kek me dy ngjyra lë të kuptosh se duhet të përgatisim dy brumëra të ndryshëm, por në fakt kombinimi i ngjyrave është vetëm në fund. Le të shikojmë së bashku përgatitjen e kësaj ëmbëlsire.

Kek me kungull të verdhë

Receta për ëmbëlsirë kek me kungull është shpejtë për tu përgatitur dhe shumë e shijshme! Për këtë kek kemi përdorur kungull të verdhë, pasi karakteristikë e tij është se mund të bëhet brumë dhe i jep shumë butësi ëmbëlsirës.