E kush nuk e kujton sultjashin, këtë ëmbëlsirë oriz me qumësht dhe nuk e lidh me fëmijërinë. Sa e sa herë e kanë përgatitur për ne nënat tona. Mjafton pak përbërës dhe kemi një ëmbëlsirë të shijshme e të shpejtë.
Sultjash – Oriz me Qumësht
Sasia: 4 persona
Kalori: 230kcal
Video
Përbërësit
- 500 ml qumësht
- 200 gr oriz
- 100 gr sheqer
- 100 ml ujë
- pak vanilje pluhur
- disa lëkura limoni
Përbërësit për garniturën
- pak kanellë pluhur
- pak çokollatë
- pak karamel
Përgatitja
- Për të përgatitur sultjash në një tenxhere hedhim ujin së bashku me orizin. I lëmë për dsa minuta dhe më pas shtpjmë qumështin, sheqerin, vaniljen dhe lëkurën e limonit. Masën e vemë të ziejë në zjarr të ulët.
- Duhet të kemi kujdes që ta trazojmë vazhdimisht. Orizi kështu e lemë të ziejë përreth 45 minuta ose derisa masa të trashet. Më pas e hedhim në tasa të vegjël dhe sipër i hedhim garniturën që na pëlqen.
- Ne, në këtë rast, një tasi i kemi hedhur kanellë pluhur, një tjetri çokollatë, e një tjetri karamel. Mund ti hedhimedhe arra të grira, bajame e çdo lloj garniture që ju pëlqen.
Ju bëftë mirë
