Me këtë kek me mandarina java do ju nisi shumë ëmbël. Përgatitja e këtij keku është e thjeshtë dhe shija dhe aroma fantastike.
Kek i butë me mandarina
Sasia: 6 persona
Kalori: 220kcal
Përbërësit
- 1 kg mandarina
- 4 kokrra vezë
- 100 gr kos i bardhë
- 100 gr sheqer
- 200 gr miell
- 2 lugë gjelle vaj ulliri
- pluhur për fryrje ëmbëlsirash
- lëkura limoni
- vanilje
Përgatitja
- Frutat për të përgatitur kek me mandarina duhet ti zgjedhim biologjike. Qërojmë mandarinat nga lëkura dhe i presim në mes.
- Mandarinat e prera i radhitim në tavë ku kemi shtruar një letër kuzhine dhe e kemi spërkatur me sheqer. Pjesën e prerë të mandarinave e vendosim poshtë.
- Në një enë hedhim vezët, sheqerin, kosin, vajin dhe i përziejmë me rrahësen e telit për 3-4 minuta. Miellin dhe pluhurin për pjekje i bashkojmë dhe i hedhim te ena duke i situr.
- Pasi e kemi përzier masën shtojmë lëkurën e limonit (pjesën e verdhë) dhe vaniljen. Masën për kek me mandarina e hedhim në tavën që kemi shtruar mandarinat.
- Tavën e pjekim në furrë të nxehur në 180 °C për 30 minuta. Kek me mandarina e lemë edhe 10 minuta në furrë të fikur. Kur ta vendosim në pjatë pjesën e poshtme të kekut e kthejmë sipër, si në figurë.
Receta për kek i thjeshtë, kek me mollë, kek me kos.
