Receta për Bakllava Turke

Bakllavaja është ëmbëlsira që nuk mungon në tavolinat tona në festat e fundvitit. Kjo recetë që ne japim këtu është ajo per bakllava turke që është më e lehtë se ajo klasikja (Receta per Bakllava shqiptare). Duhet pak durim për përgatitjen e kësaj ëmbëlsire, por mundimi ia vlen kur kënaqim familjarët tanë.

Receta për Bakllava Turke

Prep Time40 minutes
Cook Time2 hours
Total Time2 hours 40 minutes
Course: Dessert
Cuisine: Albanian
Keyword: embelsire, kuzhina shqiptare
Sasia: 12 persona
Kalori: 412kcal

Video

Përbërësit

  • 700 gr miell
  • 200 ml vaj misri
  • 70 ml qumësht
  • 70 ml kos
  • 2 të verdha veze
  • 1 kokërr vezë
  • 1 lugë gjelle lëng limoni
  • 600 gr gjalpë i shkrirë
  • 500 gr arra të qëruara e të grira për mbushjen
  • pak niseshte për të lyer petët

Përbërësit për sherbetin

  • 1.2 l ujë
  • 1.8 kg sheqer
  • pak vanilje sipas dëshirës
  • karafil

Përgatitja

Petët për bakllava

  • Sitet mielli dhe hapet në formë rrethore. Hidhen të gjithë përbërit brenda përveç gjalpit. Përzihet  masa me dorë  duke marrë pak nga pak miell, derisa të laget e gjithë masa e miellit.
  • Ngjishet brumi si brumë byreku  dhe mbështillet me qeskë kuzhine dhe lihet për një orë të pushojë. Më pas merret brumi dhe ndahet në tetë  pjesë.
  • Çdo pjesë ndahet në 10 toptha të vegjël. Merren 10 të parët dhe hapen me diametër  rreth 20 cm duke i spërkatur vetëm njëherë me niseshte. Pasi  janë hapur të 10 petët e para me diametër 20 cm, vendosen njëra mbi tjetrën. Bëhet një kryq me pec (okllahi) mbi petët duke i shtrënguar që të mos lëvizin.

Përgatitja Bakllava

  • I hapim petët njëherësh me pec (okllahi) sa diametri i tepsisë që kemi. I shtrojmë në tepsi. Hedhim shtresën e parë të arrave.
  • Kështu vazhdojmë edhe me pjesët e tjera të brumit. Mbasi kemi hedhur dhe shtresën e fundit të petëve, e presim bakllavanë me kujdes në formë rombi dhe sipër  hidhet  gjalpi i shkrirë i nxehtë.

Pjekja

  • Fusim bakllavanë turke të piqet ne furrë të nxehtë.
  • Piqet për 2 orë në temperaturën 140°C dhe 10 minuta në 200°C, (koha e pjekjes varet edhe nga lloji i sobës). Duhet të shohim që bakllavaja sipër të ketë marrë një ngjyrë të bukur. Pasi është pjekur, nxjerrim bakllavanë dhe e lemë të ftohet.
  • Sherbeti për bakllava turke hidhet 24 orë pas pjekjes.

Përgatitja e sherbetit të Bakllavasë

  • Pasi vlon uji, hidhet 1.8 kg sheqer, vanilje, karafil sipas dëshirës. Pasi vlon për 5 minuta, e heqim nga zjarri dhe e lemë të ftohet pak dhe e hedhim sipër bakllavasë.
  • Lemë bakllavanë turke të ftohet komplet dhe e shërbejmë në copa.

Receta për bakllava Shqiptare, bakllava me fistike dhe bakllava e shpejte.

Ju bëftë mirë dhe Gëzuar Festat nga ArtiGatimit!

Receta Bakllava Turke Shqip-artigatimit-dessert Embelsira Shqiptare-tradicionale
7 Shares
5 comments
  1. Faleminderit per receten, por cili eshte celesi per t’i hapur petet me lehtesi:) e provova receten por hapja e peteve pasi I Bashkon ishte shume e veshtire pasi ngjiste PETA ne pets.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Semifreddo me luleshtrydhe

Një fetë ëmbëlsire semifreddo me luleshtrydhe është ideale për të mbyllur një mbrëmje me një shije delikate dhe aromatike. Receta e kësaj ëmbëlsire është shumë e thjeshte, le të ndjekim hapat e përgatitjes.

Torta e të Dashuruarëve

Edhe pse Shën Valentini ka rreth një muaj që ka kaluar, dashuria është dhe mbetet përgjithmonë. Dëshiroj të nis këtë aventure me një ëmbëlsirë vërtet speciale të cilën e kam quajtur Torta e të dashuruarëve. Eshtë një tortë vërtet e shijshme dhe jo shumë e vështire për tu përgatitur, është thjesht një pandispanjë e mbushur me krem gjalpi me çokollate. Mund ta përgatitni për çdo rast të vecantë.

Petulla me banane

Petullat te përgatitura me banane janë shumë të shijshme dhe pëlqehen si nga fëmijët, ashtu dhe të rriturit. Kjo recetë është shumë e thjeshtë dhe dua të them që në familjen time këto petulla gatuhen shpesh.

Vanilla Cupcake

Vanilla cupcake apo cupcakes me vanilje janë perfekte për festa, festime apo thjesht për ti provuar. Këto ëmbëlsira përgatiten fare thjeshte dhe sipër mund ti vendosim krem me shije dhe ngjyra të ndryshme.

Ananas në zgarë

Ananasi në zgarë është një mënyrë ndryshe për të servirur këtë frut ekzotik. është shumë i thjeshtë për tu përgatitur, por në këtë mënyrë do të shijoni me të vërtetë një pjatë të veçantë.