Embëlsira, Receta për Festa
Komente nga Fb - 3 komente

Receta për Bakllava Turke

Përgatitja: 3 min - Pjekja: 2 min - Sasia: 12 Persona

Bakllavaja është ëmbëlsira që nuk mungon në tavolinat tona në festat e fundvitit. Kjo recetë që ne japim këtu është ajo per bakllava turke që është më e lehtë se ajo klasikja (Receta per Bakllava). Duhet pak durim për përgatitjen e kësaj ëmbëlsire, por mundimi ia vlen kur kënaqim familjarët tanë.

Përbërësit për Receta për Bakllava Turke


  • 700 gr miell

  • 200 ml vaj misri

  • 70 ml qumësht

  • 70 ml kos

  • 2 të verdha veze + 1 vezë e plotë

  • 1 lugë gjelle limon i shtrydhur

  • 600 gr gjalpë i shkrirë

  • pak niseshte ( për të lyer petët)

  • 500 gr arra të qëruara e të grira (për mbushjen)
  • Përbërësit për sherbetin

  • 1.2 l ujë

  • 1.8 kg sheqer

  • pak vanilje dhe karafil (sipas dëshirës)

Video Receta Bakllava Turke

Përgatitja për Bakllava Turke

Sitet mielli dhe hapet në formë rrethore. Hidhen të gjithë përbërit brenda përveç gjalpit. Përzihet  masa me dorë  duke marrë pak nga pak miell, derisa të laget e gjithë masa e miellit. Ngjishet brumi si brumë byreku  dhe mbështillet me qeskë kuzhine dhe lihet për një orë të pushojë.


Më pas merret brumi dhe ndahet në tetë  pjesë.
Çdo pjesë ndahet në 10 toptha të vegjël. Merren 10 të parët dhe hapen me diametër  rreth 20 cm duke i spërkatur vetëm njëherë me niseshte. Pasi  janë hapur të 10 petët e para me diametër 20 cm, vendosen njëra mbi tjetrën. Bëhet një kryq me pec (okllahi) mbi petët duke i shtrënguar që të mos lëvizin.

I hapim petët njëherësh me pec (okllahi) sa diametri i tepsisë që kemi. I shtrojmë në tepsi. Hedhim shtresën e parë të arrave.
Kështu vazhdojmë edhe me pjesët e tjera të brumit. Mbasi kemi hedhur dhe shtresën e fundit të petëve, e presim bakllavanë me kujdes në formë rombi dhe sipër  hidhet  gjalpi i shkrirë i nxehtë.

Fusim bakllavanë të piqet ne furrë të nxehtë.
Piqet për 2 orë në temperaturën 140°C dhe 10 minuta në 200°C, (koha e pjekjes varet edhe nga lloji i sobës). Duhet të shohim që bakllavaja sipër të ketë marrë një ngjyrë të bukur. Pasi është pjekur, nxjerrim bakllavanë dhe e lemë të ftohet.

Sherbeti për bakllava turke hidhet 24 orë pas pjekjes.

Përgatitja e sherbetit të Bakllavasë

Pasi vlon uji, hidhet 1.8 kg sheqer, vanilje, karafil sipas dëshirës. Pasi vlon për 5 minuta, e heqim nga zjarri dhe e lemë të ftohet pak dhe e hedhim sipër bakllavasë.
Lemë bakllavanë të ftohet komplet dhe e shërbejmë në copa.

Ju bëftë mirë dhe Gëzuar nga ArtiGatimit!

Receta Bakllava Turke Shqip-artigatimit-dessert Embelsira Shqiptare-tradicionale

Receta per Bakllava Shqiptare

3 Comments

  1. rgisa ernis sulmataj says

    bakllavaja eshte shume e shijeshme por si arbana jo hahahhaah

  2. Ada says

    Faleminderit per receten, por cili eshte celesi per t’i hapur petet me lehtesi:) e provova receten por hapja e peteve pasi I Bashkon ishte shume e veshtire pasi ngjiste PETA ne pets.

Shkruani komentin tuaj - Komente