Tiramisuja është ëmbëlsira italiane më e njohur në gjithë botën. Ka shume versione te saj, sot po ju prezantojmë me copëza çokollate.

Përbërësit për Tiramisu me çokollatë

Për biskotat

• 150 gr miell


• 130 gr sheqer


• 3 vezë


• 50 gr niseshte


• maja për ëmbëlsira


• vanilje

Për kremin

• 5 veze


• 150 gr çokollate ne copëza


• 500 gr maskarpone


• 200 ml kafe


• 120 gr sheqer


• 100 gr kakao

Video Receta Tiramisu me çokollate

Përgatitja e Biskotave për tiramisu

Ndajmë të verdhat nga të bardhat e vezëve dhe rrahim këto të fundit duke hedhur sheqerin pjesë pjesë. Vazhdojmë rrahjen e të bardhave derisa të arrihet një masë e fryrë. Më pas shtojmë të verdhat dhe vazhdojmë ti rrahim derisa të bëhet një masë kremoze.
Përziejmë përbërësit e thatë se bashku dhe i shtojmë tek vezët duke i situr dhe trazuar ngadalë, nga poshtë lartë.
E hedhim masën e përgatitur në xhepin e pastiçerisë dhe e hapim në tavë.
E pjekim në furrë të nxehur më parë në temperaturën 180 gradë celsius për rreth 10 minuta.

Përgatitja e kremit për tiramisu

Ndajmë të bardhat e vezëve nga të verdhat dhe rrahim të bardhat derisa të arrijmë një masë të fryrë. Me pas i vendosim në frigorifer.

Në rrahësin elektrik, hedhim të verdhat e vezëve së bashku me sheqerin. I rrahim në shpejtësi mesatare. Duhet ti rrahim derisa të arrijmë një masë të fryrë.
Shtojmë marskarponen dhe i përziejmë mirë së bashku. Me pas shtojmë dhe te bardhat e vezëve. I përziejmë me kujdes nga poshtë lart derisa të arrijmë një masë homogjene.

Në tavë fillojmë shtrojmë biskotat duke i lyer me parë me kafe. Vendosim një shtrese biskota dhe me pas hedhim një shtrese kremi. E hapim mire në të gjithë sipërfaqen e tavës.
Sipër shtojmë kakao dhe copëza çokollate. Vazhdojmë kështu dhe me shtresën e dyte.

Pasi e kemi përfunduar e vendosim ëmbëlsirën në frigorifer për disa orë. Më pas e presim në copa dhe e shërbejmë.

Ju bëftë mirë!

Lexoni recetën për Tiramisu klasike si dhe Tiramisu me Luleshtrydhe!