Tiramisu me luleshtrydhe – VIDEO Receta

61 Shares
61
0
0
Tiramisuja me luleshtrydhe është një variant i tiramisusë klasike. Kjo recetë është e mirë edhe për fëmijët sepse nuk përmban kafe. është shumë e mirë, e shijshme, e freskët dhe ka me të vërtetë një aspekt fantastik.

Tiramisu me luleshtrydhe – VIDEO Receta

Prep Time30 mins
Resting2 hrs
Total Time2 hrs 30 mins
Course: Dessert
Cuisine: Asian
Keyword: embelsire
Sasia: 5 persona
Kalori: 350kcal

Video

Përbërësit

  • 500 gr luleshtrydhe
  • 500 gr maskarpone
  • 500 ml pana
  • 1 pako biskota të gjata savoiardi
  • 4 kokrra vezë
  • 300 gr sheqer

Përgatitja

  • Pasi i keni larë, prisni në copa të vogla luleshtrydhet dhe i hidhni në një enë. Shtoni në të dhe një lugë sheqer dhe trazojini mirë. Vendosni enën në frigorifer. Ndërkohë filloni përgatitjen e kremit. Ndani të bardhat e vezëve nga të verdhat. Filloni të rrihni fort të bardhat me rrahësin elektrik derisa të arrini një shkumë të bardhë.
  • Në një enë tjetër hidhni 400 ml pana ( 100 ml do tju duhet për të lagur biskotat) dhe filloni ta rrihni dhe atë me rrahësin elektrik derisa të krijohet një masë e bardhë si shkumë.
  • Në enën ku keni hedhur të verdhat e vezëve hidhni dhe sheqerin filloni ti rrihni fort. Më pas shtoni maskarponen dhe vazhdoni ti rrihni me rrahësin elektrik derisa trë arrini një masë homogjene. Pas kësaj shtoni të bardhat e vezëve e trazojini me kujdes.
  • Bashkoni në të edhe panën dhe përziejeni mirë duke pasur kujdes që të gjithë përbërësit të bashkohen mirë. Kremi është gati dhe fillojmë e përgatisim ëmbëlsirën.
  • Nxjerrim luleshtrydhet nga frigoriferi dhe lëngun që ato kanë lëshuar e hedhim në një tavë ku e bashkojmë me panën e ngrohur paraprakisht. Kjo masë do të na duhet për të lagur biskotat.
  • Në një tavë drejtkëndëshe ( mund të përdorni edhe forma të tjera), hedhim pak krem dhe e hapim me kujdes. Vendosim mbi të një shtresë biskotash të lagura më parë me lëngun e përgatitur. Hedhim mbi to përsëri krem dhe i mbulojmë mirë. E sipër shtojmë luleshtrydhe.
  • Shtojmë edhe një shtresë biskota të lagura, i mbulojmë përsëri me krem dhe sipër shtojmë luleshtrydhe. ëmbëlsira është gati, vendoseni në frigorifer për disa orë përpara se ta shërbeni. Më pas prijeni në copa dhe shërbeni tiramisunë në pjata duke i hedhur sipër sheqer pluhur.

Lexoni recetat per tiramisu klasike ose tiramisu me çokollate

Ju Bëftë Mirë!

61 Shares
12 comments
  1. uuuuuuuuuuaaaaaaauuuuuuuuu ky gatim eshte fantastik dhe shume i shijshem.ky gatim eshte i lehte per tu bere.mmmmmmmmmmmmmmmmmmmmmmmmmmmmmmmm!

  2. shume e shijshme duket por (Maskarpone),”nuk e di qeshte” .,ne anglisht dua ta di se si i thon.,qe ta gjej ketu ne angli.,ju faleminderit

  3. waw duket e mrekullueshme mjammm keni bere shume mire qe e keni treguar me video tani e kuptoj me mire .po nje gje se kuptoj ceshte “maskarpone”ju te me tregoni nese keni mundesi

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Xhelatinë me lëng shege

Xhelatinë e përgatitur me lëng shege. Shegët kanë në përmbajtje substanca unike që janë përgjegjëse për shumë benefite shëndetësore në organizëm.

10 receta ëmbëlsira me mollë

Një përmbledhje me receta ëmbëlsirash me mollë. Tortat me mollë janë shume te shijshme dhe mund ti përdorni si në mëngjes por edhe pasditeve të shoqëruar me çaj. Lexoni këto receta të thjeshta për ëmbëlsira me mollë.

Sheqerpare

Sheqerparet janë ëmbëlsira shumë të shijshme me origjine turke dhe të njohura edhe në vendin tonë. Para shumë kohësh në Turqi i shijova këto ëmbëlsira dhe të them të drejtën shija e tyre më ka mbetur edhe sot.

Receta për Sultjash

E kush nuk e kujton këtë ëmbëlsirë dhe nuk e lidh me fëmijërinë. Sa e sa herë e kanë përgatitur për ne nënat tona. Mjafton pak përbërës dhe kemi një ëmbëlsirë të shijshme e të shëndetshme.

Pufka (Meringa)

Meringat ose pufkat siç i njohim ne janë ëmbëlsira si shkumë të përgatitura me të bardhën e vezës. Për herë të parë këto ëmbëlsira i përgatiti një pastiçier zvicerian nga provinca e Meiringen, nga i cili vjen edhe emri i tyre (meringa).