Dhe pse ka shumë variante te ëmbëlsirave me fruta, kek me qershi mbetet një recetë delikate dhe e thjeshtë për tu përgatitur.
Ëmbëlsirë Kek me qershi
Sasia: 6 persona
Kalori: 340kcal
Përbërësit
- 500 gram qershi
- 250 gram miell
- 100 gram sheqer
- 3 kokrra vezë
- 50 gram gjalpë i shkrirë
- 30 mL vaj ulliri
- 3 lugë gjelle qumësht
- 1 lugë e vogël maja për ëmbëlsira
- lëkurë limoni
- vanilje
Përgatitja
- Përmasat mësipërme janë idealë për një tave me diametër 24 cm. Në një enë hedhim vezët me sheqeri dhe i përziejmë me rrahësin elektrik sa të ngrihet vëllimi. Pas pak minutash shtojmë qumështin dhe gjalpin, pak vaj ulliri dhe lëkurën e limonit e vazhdojmë edhe pak përzierjen.
- Më pas shtojmë miellin të përzier me majanë për ëmbëlsira (më parë të situr), vanilje dhe e përziejmë me kujdes me shpatull. Në këtë mënyre masa nuk do të ulet.
- Në fund pasi është përzier mirë brumi, shtojmë qershitë të lyera me pak miell. Kjo shërben që të mos bien të gjitha në fund të tavës. Qershive sigurisht duhet ti heqim farat paraprakisht.
- Tavën për pjekje e lyejmë me gjalpë dhe hedhim masën e kekut. Tavën e futim në furrë të para ngrohur në 180 °C për rreth 45 minuta. Tavën me kek me qershi e lemë në furrë edhe 10 minuta me furrë të fikur.
- Ëmbëlsirën kek me qershi të pjekur e vendosim në pjatancë për servirje dhe e pudrosim me sheqer pudër.
- Receta e kësaj ëmbëlsirë është gati. Mos harroni të abonoheni në njoftimet e faqes për receta te tjera fantastike. Deri atëherë ju bëftë mirë!
Ëmbëlsirë kek me mandarina, kek me mollë ose kek me kungull
Ju bëftë mirë!
