Si të gatuajmë Kek me Arra

Kek me Arra dhe krem mascarpone është një ëmbëlsirë me shumë shije. Përbërja e mbushjes me arra dhe pamja që merr, e bëjnë të përsosur për të gjitha rastet. Përgatitja e kësaj torte nuk është e vështirë dhe rezultati është i pabesueshëm.

Kek me Arra

Prep Time45 minutes
Cook Time35 minutes
Total Time1 hour 20 minutes
Course: Dessert
Cuisine: Global
Keyword: embelsire
Sasia: 6 persona
Kalori: 240kcal

Përbërësit

  • 250 gr miell
  • 250 gr sheqer
  • 270 gr gjalpë
  • 100 gr arra të qëruara
  • 3 kokrra vezë
  • 1 pako maja për fryrje
  • 1 pako esencë vanilje

Për mbushjen

  • 400 gr djathë mascarpone
  • 150 ml panna e freskët
  • 20 gr arra të grira
  • 100 gr sheqer pluhur

Përgatitja

  • Për të përgatitur kek me arra si fillim duhet të rrahim në një mikser kuzhine gjalpin së bashku me sheqerin. Masa duhet të jetë në formë shkume. Kujtojmë që gjalpi duhet të jetë në temperaturë ambienti.
  • Në hapin tjetër shtojmë vezët edhe këto në temperaturë ambienti. Vezët duhet ti hedhim njëra pas tjetrës. Më pas shtojmë arrat e grira dhe e trazojmë me kujdes masën.
  • Shtojmë më pas miellin ku kemi hedhur majan për ëmbëlsira, së bashku me esencën e vaniljes. E trazojmë derisa masa të jete e njëtrajtshme dhe pa kokrriza.
  • Një tavë më diametër rreth 24 cm, e lyejmë me gjalpë dhe e spërkasim pak me miell, me pas hedhim brumin e përgatitur për kek me arra.
  • Ëmbëlsirën Kek me Arra e vendosin në furrë të nxehur me parë në temperaturën 180°C për rreth 35 minuta.

Kremi me mascarpone

  • Rrahim panna për ëmbëlsira me një rrahës elektrik ose me rrahësen e vezëve. Që panna të fryhet duhet të sigurohemi që ena të jetë e ftohtë.
  • Shtojmë sheqerin derisa të arrijmë një masa të qëndrueshme. Shtojmë më pas djathin mascarpone dhe gjithashtu arra të grira.
  • Pasi kek me arra është pjekur, e lëmë të ftohet dhe më pas e presin në mes. E mbushim me kremin e përgatitur dhe spërkasim arra të tjera në anë të saj. Vendosim sipas dëshirës disa arra të plota sipër.
  • Ëmbëlsira kek me arra është gati. E presim në feta dhe e shijojmë në raste speciale me të dashurit tanë.

Receta të tjera për të përgatitur ëmbëlsira si kek me molle, kek me qershi apo dhe kek me qumësht.

Ju bëftë mirë!

1 Shares
2 comments
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Receta për Xupa

Xupa është një ëmbëlsirë shumë e njohur në vendin tonë. Përgatitja është shumë e thjeshte dhe me përbërës që gjenden fare lehtë. Pasi të keni provuar version bazë, përdorni fantazinë për të shtuar përbërës të tjerë.

Torta me çokollatë e gjalpë kikiriku

Kjo tortë është me të vërtetë një nga ëmbëlsirat më të mira e më të forta. Duket e vështirë, por është një recetë e thjeshtë që nuk ka nevojë as të piqet në furrë. është një lloj cheescake e në bazë të kësaj torte është gjalpi i kikirikut që përdoret shumë në Amerikë.

Receta Macarons me çokollatë

Macaron është një ëmbëlsirë me origjinë franceze. Kjo ëmbëlsirë është e përgatitur me pak përbërës, me bazë meringe, miell bajamesh, të bardha veze dhe sheqer pluhur. Mbushja e këtyre ëmbëlsirave mund të bëhet sipas dëshirës, me çokollatë, marmelatë, kremra të ndryshëm. Në recetën e mëposhtme ne kemi përgatitur versionin me çokollatë.

Petulla të shpejta

Petullat janë vërtet të shijshme kur i shijon të sapo gatuara me mjaltë sipër e kanellë. Janë të shumta recetat e petullave, por ne sot po ju sugjerojmë një recetë shumë të shpejtë e të thjeshtë. Mund ta gatuani në mëngjes apo pasdite për familjen tuaj.