Receta për cheesecake me kos pa pjekje dhe me manaferra është mjaft e veçante dhe me një shije delikate. Kjo ëmbëlsirë nuk ka nevoje për pjekje, pasi nuk përmban miell edhe as vezë. Mjafton të ruhet në frigorifer pas përgatitjes. Le të shikojmë si gatuhet ëmbëlsira cheesecake.
Përbërësit për Cheesecake me kos e manaferra – Pa pjekje
- 250 gr biskota
- 150 gr gjalpë i shkrirë
- 500 gr kos i bardhë
- 200 ml pana(ajkë qumështi)
- 30 gr sheqer vanilje
- 12 gr xhelatinë
- 50 gr qumësht i freskët
- 200 gr manaferra për mbushjen
- 200 gr manaferra për dekorin
- 50 gr sheqer kaf për sipër
Përgatitja e cheesecake
Për përgatitjen e cheesecake në fillim bluajmë biskotat në një mikser kuzhine ose i shtypim ato imët. Biskotat e bluara i hedhim në një enë së bashku me gjalpin e shkrirë. I trazojmë dhe më pas i shtrojmë në tavë ku kemi vendosur një letër kuzhine. Përmasat janë për një tave me diameter rreth 24cm. Tavën e vendosim në frigorifer për 30 minuta.
Ndërkohë rrahim panën në një enë të ftohtë. Më pas hedhim sheqerin dhe në fund e përziejmë edhe me kosin.
Xhelatinën të cilën e kemi lënë rreth 5 minuta në ujë të ftohtë e shkrijmë me qumështin e nxehur. Xhelatinën e shkrirë e hedhim te përzierja e kosit me panën dhe e trazojmë mirë duke shtuar edhe manaferrat.
Masën e hedhim mbi biskotat. Tavën e vendosim përsëri në frigorifer(jo në ngrirje) për 2 orë.
Hapin e fundit do të përgatitim frutat sipër. Frutat së bashku me sheqerin kaf i hedhim në një enë dhe i vendosim në zjarr të ngadalshëm për 10 minuta duke i trazuar. Pasi manaferrat të ftohen, ja hedhim ëmbëlsirës cheesecake sipër. E vendosim dhe për disa minuta të tjera në frigorifer. Cheesecake me kos dhe manaferra është gati. E presim ne feta dhe e shërbejmë.
Ju këshillojmë edhe recetat e tjera për cheesecake:
- receta per cheesecake
- cheesecake me luleshtrydhe
- cheesecake me kos
- cheesecake me cokollate
- cheesecake me karamel
Ju bëftë mirë!
