Ëmbëlsirë Cheesecake me kos

Cheesecake me kos është një ëmbëlsirë që ka gjithmonë sukses kur ia shërbeni miqve tuaj. Kjo ëmbëlsirë e shijshme e gatuar me kos dhe pana mund të shërbehet në fund të vaktit duke i hedhur sipër pak reçel ose çokollatë të shkrirë

Cheesecake me kos është një ëmbëlsirë që ka gjithmonë sukses kur ia shërbeni miqve tuaj. Kjo ëmbëlsirë e shijshme e gatuar me kos dhe pana mund të shërbehet në fund të vaktit duke i hedhur sipër pak reçel ose çokollatë të shkrirë. Këtë ëmbëlsirë të shijshme mund ta gatuani edhe një ditë më parë duke e ruajtur në frigorifer.

Cheesecake me kos – Ëmbëlsirë Pa Pjekje

Prep Time40 mins
Frigorifer8 hrs
Total Time8 hrs 40 mins
Course: Dessert
Cuisine: American
Keyword: embelsire
Sasia: 12 persona

Përbërësit

Për bazën duhen

  • 150 gr biskota të thata
  • 100 gr gjalpë
  • 10 copa lëkurë portokalli e grirë ose kanellë

Për mbushjen duhen

  • 250 gr kos i bardhë i trashë
  • 250 gr pana e freskët
  • 150 gr sheqer pluhur
  • 1 pako vanilje pluhur
  • 1 pako marmelatë ose çokollatë e shkrirë

Përgatitja

Fillimisht përgatisim bazën e ëmbëlsirës.

  • Marrim biskotat dhe i grijmë në grirësin elektrik. I hedhim në një enë qelqi dhe shtojmë në të gjalpin e shkrirë dhe pak lëkurë portokalli të grirë ose pak kanellë (nëse ju pëlqen shija mund ta shtoni ose përndryshe mos shtoni asgjë).
  • I përziejmë mirë bashkë e më pas i hedhim në një tavë ku kemi vendosur letër furre më parë. E nivelojmë mirë dhe e shtypim fort nga sipër me fundin e lugës ose me dorë në mënyrë që të kemi një bazë të fortë.
  • Vendosim tavën në frigorifer përreth 30-40 minuta.

Ndërkohë përgatisim mbushjen e ëmbëlsirës.

  • Në një enë qelqi hedhim panën dhe fillojmë ta rrahim me rrahësin elektrik derisa të jetë bërë si shkumë.
  • Në një enë tjetër rrahim me rrahësin elektrik kosin me sheqerin pluhur dhe vaniljen derisa të përzihen mirë së bashku. Më pas i bashkojmë me kujdes së bashku panën me kosin e rrahur.
  • E trazojmë ngadalë këtë masë kremoze dhe e hedhim mbi bazën e biskotave që ndërkohë është ftohur mjaftueshëm në frigorifer. E nivelojmë mirë me lugë kremin mbi të dhe fusim ëmbëlsirën në frigorifer ku e lemë përreth 8-10 orë që të mpikset.
  • Është më mirë që ëmbëlsirën ta gatuani një ditë përpara dhe të rrijë në frigorifer përgjatë gjithë natës. Pasi është ftohur e heqim me kujdes nga tava dhe e presim në feta.
  • E shërbejmë ëmbëlsire cheescake me reçel sipër ose me çokollatë të shkrirë.

Ju bëftë mirë!

embelsire cheesecake shqip-artigatimit-receta-gatimi-kuzhina-shqiptare-kos

Gjithashtu ne kategorinë Embelsira, mund të gjeni të tjera Receta per cheesecake.

319 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Tortë me çokollatë e spec djegës

Kjo tortë në formë zemre është ideale për të festuar festën e Shën Valenitinit dhe jo vetëm. Kjo është një tortë që mund ta gatuani në çdo moment që keni dëshirë për një ëmbëlsirë të veçantë. Shija e çokollatës kombinon shumë me specin djegës. Provojeni dhe do të jem e sigurt që do të jetë një nga tortat që do të përgatisni shpesh.

Sheqerpare

Sheqerparet janë ëmbëlsira shumë të shijshme me origjine turke dhe të njohura edhe në vendin tonë. Para shumë kohësh në Turqi i shijova këto ëmbëlsira dhe të them të drejtën shija e tyre më ka mbetur edhe sot.

Amareta – Receta për Embelsira

Kur flasim për amareta, mëndja na shkon tek gjyshet tona të cilat janë të pa përtuara për përgatitjen e këtyre biskotave që të shkrihen në gojë. Amaretat janë shumë të mira dhe të pëlqyeshme për fëmijët.

Krostatë me pjeshkë

Krostatë me pjeshkë është një ëmbëlsirë që mund të përgatitet në shtëpi në çdo moment të ditës. Mjaftojnë disa hapa të thjeshta dhe keni një ëmbëlsirë të freskët dhe shumë të shijshme, sidomos kur pjeshkat janë të ëmbla dhe me shume frutë. Kjo krostatë me fruta mund të konsumohet edhe për mëngjes me një gotë qumësht.