orte e zbukuruar me smarties është një ëmbëlsire plot ngjyra, me një efekt fantastik. Në të vërtetë është një tortë e thjeshtë për tu përgatitur. Bazën e tortës mund ta përgatisim një ditë më parë dhe ta zbukurojmë në momentin që e servirim.
Torte me smarties e kitkat, për zbukurim sipër mund të përdorim çokollata të vogla smarties (ose të ngjashme) dhe anash vendosim çokollata kitkat ose të ngjashme me to.
Torte me smarties e kitkat
Sasia: 6 persona
Përbërësit
Për bazën e tortës
- 200 gr miell
- 150 gr sheqer
- 2 kokerr vezë në temperaturë ambienti
- 1 gotë qumësht rreth 140 ml
- 1 pako maja për ëmbëlsira
- pak kripë
- 125 gr gjalpë
- 200 gr çokollatë e zezë
Për mbushjen
- 400 gr çokokrem ose Nutella
- 200 ml pana e freskët
Për zbukurimin
- 12 pako çokollatë Kitkat
- 400 gr çokollata të vogla M&M’S
- 200 gr mashmallows
Përgatitja
- Në një enë shkrijmë gjalpin me çokollatën dhe i lemë të ftohen.
- Në një enë hedhim vezët dhe sheqerin dhe fillojmë ti rrahim me rrahësin elektrik (nëse keni robot elektrik/planetaria mund të përdorni fare mire atë).
- Vezët duhet të rrihen derisa masa të fryhet. Ulim shpejtësinë e rrahëses dhe shtojmë ngadalë gjalpin me çokollatën. Më pas shtojmë ngadalë miellin e majanë duke e alternuar me qumështin.
- Hedhim masën e përgatitur në një tavë të rrumbullakët ( me diametër 24cm) të lyer paraprakisht me pak gjalpë e miell qe të mos ngjitet. Ëmbëlsirën e pjekim në 160/180° C përreth 30/40 minuta (siç e kemi thënë më parë pjekja varet nga furra, duhet ta provojmë pjekjen me një majë thike ose një shkop të vogël).
- Pasi është pjekur nxjerrim ëmbëlsirën dhe e lemë të ftohet.
- Fillojmë e përgatisim mbushjen. Shkrijmë pak çokokremin dhe e bashkojmë me 200 ml pana të rrahur paraprakisht.
- Presim tortën në mes horizontalisht dhe e mbushin me kremin. Më pas e lyejmë edhe sipër e anash me krem.
- Pasi e kemi lyer komplet me krem fillojmë me zbukurimin. Vendosim vertikalisht rreth e qark tortës çokollatat kitkat. Në fund mund ti lidhim me një fjongo për të qenë më të sigurt. Sipër i vendosim mashmalloës të përzier me smarties.
- Torta është gati për festën.
Ju bëftë mirë!
