Krep ose siç i thonë francezet crêpe janë flet të holla brumi, të pjekura mbi një piaster te nxehtë. Ato mund të shërbehen me mbushje të ndryshme të ëmbela (si Nutella, mjalt ose reçel) apo dhe të kripura (djathë, proshute ose perime). Ato shërbeheshin në datën 2 Shkurt dhe kur hapej në piaster, zakonisht shprehej një dëshirë. Duke lëne mbrapa historinë le të shikojmë recetën e tyre. Baza e përgatitjes për të dyja llojet është pothuajse e njëjtë. Ja se çfarë na duhet për të përgatitur disa krep.
Krep me Nutella
Krep me nutella është padyshim një nga ëmbëlsirat më të mira e më të thjeshta në përgatitje. Kjo ëmbëlsirë pëlqehet si nga fëmijë dhe të rritur. Në këtë recetë ne i kemi mbushur krep me nutella, por fare mund mund të përdorni edhe reçel ose marmelata të ndryshme.
Receta për krep me nutella
Përbërësit
- 500 ml qumësht
- 250 gr miell
- 50 gr gjalpë
- 3 kokrra vezë
- pak kripë
Përbërësit për mbushjen
- 1 vazo vogel çokokrem nutella
- pak sheqer pluhur për zbukurim
Përgatitja
- Marrim një enë qelqi të madhe e hedhim në të miellin e pak kripë. I trazojmë mirë e shtojmë me ngadalë qumështin duke e rrahur vazhdimisht. Duhet të kemi kujdes që të mos formohen kokrra nga mielli. Mund të përdorim edhe rrahësin elektrik. Shtojmë edhe vezët duke vazhduar ta rrahim mirë.
- Shkrijmë gjalpin në banjëmaria ose në mikrovalë dhe e bashkojmë te masa e përgatitur, ( duhet të kemi kujdes që gjalpi të mos jetë i nxehtë). Trazojmë mirë të gjithë përbërësit derisa të arrijmë një masë të lëngshme e homogjene.
- Ndërkohë nxehim tiganin e krepëve, ( nëse nuk keni mund të përdorni edhe një tigan normal duke e lyer me pak gjalpë rreth e qark, mjafton që të jetë nga ata që nuk ngjisin poshtë).
- Hedhim mbi tigan, në qendrën e tij,një garuzhde me masën e përgatitur. E hapim mirë duke përthyer tiganin ose nëse keni mund të përdorni mjetin që hap krepin, i cili është prej druri e ka një formë T.
- E lemë të piqet krepi përreth një minutë e më pas e kthejmë nga ana tjetër që të piqet edhe këtej. E hedhim në një pjatë e vazhdojmë kështu derisa të kemi mbaruar gjithë brumin e përgatitur.
- Pasi janë pjekur, marrim një krep, e lyejmë komplet me çokokrem, ( nëse është pak i fortë, futeni për disa çaste në mikrovalë ose banjëmaria që të shkrijë). Më pas e përthyejmë krepin më dysh e më pas akoma më dysh. E vendosim krepin në pjatë dhe e zbukurojmë sipër me sheqer pluhur.
Notes
Përgatitja
Ju bëftë mirë!
Na ndiqni në Instagram @ArtiGatimit dhe vendosni tag #artigatimit recetat që gatuani!
mmmmmmmmmmmmmmmm esht shum e mir ! <3
like kush mendon si une
hej pergaditni edhe krep me nutella se une e provova shum e shijshme me dul
Shume te mira…une i gatova dje!e djali im i pelqeu shume!
Na vjen mire Xheni. Vazhdoni te na ndiqni :)
shum te mira jan keto
Pingback: Crepes with Nutella | ArtiGatimit.com
Pingback: Receta Bazë për Krep | ArtiGatimit.com
Pingback: Crepes with Nutella | AGRecipes.com
mmmmmmmmmmmmmmm shume e mire!