Si të përgatisim pufka apo meringa me ngjyrë. Për këtë recetë kemi përdorur disa ngjyra të lehta ushqimore.
Meringa me ngjyrë
Sasia: 4 persona
Kalori: 120kcal
Përbërësit
- 150 gr të bardha vezësh
- 150 gr sheqer
- 1 lugë lëng limoni
- 150 gr sheqer pudër
Përgatitja
- Të bardhat e vezës i hedhim në një enë qelqi së bashku me lëngun e limonit dhe i rrahim me rrahësin elektrik derisa të bëhen shkumë e bardhë. Shtojmë sheqerin i rrahim përsëri sa të bëhet një shkumë e qëndrueshme.
- Shtojmë sheqerin pudër duke e kaluar në sitë dhe i përziejmë me shpatull sa të tretet pudra. Nqse meringën e duam me 3 ngjyra e shpërndajmë masën në 3 enë në mënyrë të barabartë. Ne po përdorim tre ngjyra të lehta dhe po lemë një pjesë të bardhë.
- Në çdo enë hedhim nga 3-4 pika ngjyrues ushqimor, sipas ngjyrave që dëshirojmë dhe i përziejmë me anë të shpatullës.
- Masat i hedhim një nga një në qeskën e pastiçerisë dhe me kujdes i vendosim sipas ngjyrave në një tavë ku kemi shtruar një letër kuzhine. Tavën e futim në furrë të parangrohur në temperaturën 100°C për 90 minuta.
- Meringa më ngjyra janë gati. I lëmë të ftohen dhe i shërbejmë në pjatë të madhe ose i vendosim nëpër qeska të vogla.
Receta për pufka me shkronja.
Ju bëftë mirë!
