Qumësht i kondensuar mund të përdoret si mbushje në përgatitjen e shumë ëmbëlsirave të ndryshme. Përgatitja e qumështit të kondensuar në shtëpi këshillohet pasi nuk përdoren konservues ushqimorë.
Përbërësit për Qumësht i kondensuar – Si ta përgatisim në shtëpi
- 250 ml qumësht i freskët
- 200 gr sheqer pluhur
- 30 gr gjalpë
- 1 lugë e vogël niseshte
- 8 gr vanilje
Përgatitja
Për përgatitjen e qumësht i kondensuar duhet të përdorim qumësht të freskët me gjithë yndyrë. Në një enë hedhim gjysmën e qumështin dhe gjalpin dhe e vëmë në zjarr të ngadalshëm dhe e trazojmë që të shkrijë gjalpi.
Ndërkohë niseshtenë dhe sheqerin e tretim mirë në pjesën tjetër të qumështit të ftohtë. Masën e hedhim në enën me gjalpin e shkrirë. Masën e trazojmë gjatë gjithë kohës në zjarr të ngadalshëm.nPasi masa e qumështit ka marrë valë, e ziejmë edhe 20 minuta të tjera në zjarr të ngadalshëm, por gjithmonë duke e trazuar.
Në fund qumështit të kondensuar i hedhim edhe vaniljen. Masa duhet të bëhet si një krem i plotë, i derdhur, por jo shumë i trashë. Qumështin e kondensuar e hedhim në enë qelqi dhe e ruajmë në frigorifer. Qumësht i kondensuar mund të ruhet dhe për një kohë të gjatë nëse e hedhim në vazo të sterilizuara dhe me pas e vendosim ne një enë me ujë të nxehtë për 20 minuta.
Qumështi i kondensuar është gati për të përgatitur ëmbëlsira.