Një recetë për një ëmbëlsirë që është shumë e thjeshtë për tu bërë dhe shumë e mirë për tu ngrënë. Kjo është një recete që e kam marrë nga mami im. Quhet qumështor sepse përbërësi kryesor është qumështi.
Receta për Qumështor
Sasia: 4 persona
Kalori: 340kcal
Video
Përbërësit
- 1.5 L qumësht
- 10 kokrra vezë
- 10 lugë gjellë miell
- 10 lugë gjellë sheqer
- 50 gr gjalpë
- pak vanilje nqs dëshironi
Përgatitja
- Rrahim fort vezët me sheqerin, pastaj shtohim gjalpin e shkrirë ( kujdes se nuk duhet të jetë i nxehtë).
- Më pas hedhim esencën e vaniljes tek mielli dhe ja shtojmë vezëve. E përziejmë mirë që mos të krijohen kokrra.
- Pastaj në fund tek masa për qumështor shtohet dhe qumeshti. Përziejmë të gjitha bashkë. Do të jetë një mase e lengshme që duhet ta hedhim në një tepsi të lyer më parë me pak gjalpë.
- E fusim në furrën e nxehur me parë, piqeni derisa ta shikoni që sipër ka marrë ngjyrë karameli në temperaturen 180°C, dhe te mos jetë më e lëngshme.
Notes
Këshillë: Ëmbëlsirat provojeni gjithmonë me kruajtëse dhëmbësh, nëse vishet ëmbëlsira është e papjekur, kur del e pastër atëhere është gati.
Ju bëftë mirë!
8 comments
Pershendetje: mund te me tegoni ne sa grade piqet kjo embelsire ju lutem?
Në temperaturën 180°C!
shum e mir
qumeshti a duhet te jete i ngrohte apo i ftohte?
Po i ftohtë duhet.
Cila mund te jete arsyeja qe qumeshti pritet, (duket pak a shume si gjize) dhe shkeputet komplet nga mielli gjate pjekjes?
Përshëndetje Anita,
çfarë lloj qumështi përdorni?