Akullore me çokollate përgatitur në shtëpi

Akullore me çokollatë përgatitur në shtëpi dhe në rast se nuk keni një makineri për akullore, mjafton të ndiqni disa hapa të thjeshtë.

Një recetë për të shuar vapën e nxehtë e këtyre ditëve, akullore me çokollatë super e shijshme dhe e thjeshtë për tu përgatitur dhe pa nevoje xhelatine.

Akullore me çokollate

Prep Time30 minutes
Cook Time20 minutes
Procesi Ftohjes1 hour
Total Time1 hour 50 minutes
Course: Dessert
Cuisine: Global
Keyword: akullore
Sasia: 4 persona
Kalori: 340kcal

Video

Përbërësit

  • 250 ml ajkë qumështi pana e freskët
  • 150 ml qumesht
  • 100 gr çokollatë e zezë
  • 150 gr sheqer
  • 3 kokrra veze
  • 50 gr kakao
  • 1 pako aromë vanilje

Përgatitja

  • Për të përgatitur akullore me çokollatë si fillim në një ene hedhim ajkën e qumështit se bashku me qumështin dhe i vendosim në zjarr.
  • Ndajmë të verdhat e vezës nga të bardhat. Për të përgatitur masën për akullore do të përdorim vetëm të verdhat e vezëve. Tek të verdhat e vezëve hedhim sheqerin dhe i rrahim me rrahëse veze derisa sheqeri te shkrijë komplet.
  • Në enën në zjarr me qumësht, shtojmë më pas copëzat e çokollatës për tu shkrirë. Shtojmë dhe masën me kakao por më parë të shkrirë. Në këtë mënyrë nuk krijohen kokrriza.
  • Masën për akullore e trazojmë derisa të krijohet një mase homogjene.
  • Më pas marrim pak nga masa me çokollatën e shkrirë dhe e hedhim tek vezët e rrahura. E trazojmë mirë masën. Hedhim kështu të gjithë masën me vezë tek masa me çokollatë dhe e përziejmë.
  • Të gjithë masën për akullore shtëpie e vendosim përsëri në zjarr për disa minuta
  • E heqim nga zjarri dhe hedhim esencën e vaniljes. E trazojmë mirë. Masën e hedhim më pas në një enë dhe e lëmë për tu ftohur.
  • Masa për Akullore me çokollatë është gati. E lemë në frigorifer për rreth 4 orë dhe me pas për të formuar akulloren kemi dy mundësi.
  • Nëse nuk keni një makineri për akullore mund të përdorni një ene inoksi dhe kur e kemi ne ngrirje e trazojmë shpesh here.
  • Nëse do përdorim enë inoksi duhet ta trazojmë çdo 35-45 minuta, në këtë mënyrë nuk formohet akulli.
  • Hedhim masën për akullore në ene dhe me pas e vendosim tek makineria akullores. Pasi ka kaluar koha e mjaftueshme akullore me çokollatë është gati.
  • Akullore me çokollate përgatitur në shtëpi është gati, e hedhim nëpër kupa dhe e shërbejmë.

Lexoni gjithashtu recetat për akullore me vanilje ose akullore me pana.

Ju bëftë mirë!

43 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Reçel qershie

Qershitë janë një frutë i shijshëm dhe i përshtatshëm në shumë receta. Muaji maji është muaji në të cilën fillojnë të piqen qershitë. Nëse kemi një sasi të madhe mund ti bëjmë reçel dhe ta ruajmë për muajit e mëvonshëm.

Tortë për ditëlindje për fëmijë (Hello Kitty)

Kjo është një tortë speciale për raste ditëlindjesh për fëmijët e jo vetëm. Në rastin tonë e kemi zbukuruar sipër tortën me figurën e Hello Kitty por çdo njeri është i lirë të bëjë zbukurimin që i pëlqen më shumë. Në këtë recetë kemi një bazë pandispanje ose më mirë një tortë 'sfungjer' ( sponge cake) që është e mbushur me një krem çokollate. është me të vërtetë një tortë që ia vlen mundimi i përgatitjes. Miqtë tuaj do të ngelen patjetër shumë të kënaqur nga kjo ëmbëlsirë.

Krem çokollate (krem ganash)

Kremi ganash është një lloj kremi me përbërje çokollate e pana, i cili gjen një përdorim të gjerë në pastiçeri. Me të mund të zbukurojmë e mbushim torta të ndryshme, por mund edhe ta shijojmë ashtu siçështë duke i hedhur sipër biskota të shtypura ose lajthi e arra.