Totë me bukë – Receta Gatimi

Totë e ëmbël me bukë

Ju ka ngelur shumë bukë dhe nuk dini se ç'të bëni me të? Ne po ju japim recetë të ëmbël me bukën e mbetur. Kjo është një tortë që mund të bëhet me gjithçka na ndodhet në shtëpi. është një recetë e thjeshtë, e shpejtë dhe e mirë. Kjo tortë përgatitet me bukën e regjur në qumësht, e përzier me vezë e fruta të ndryshme. Një mënyrë e thjeshtë për të mos hedhur bukën e mbetur.

Totë e ëmbël me bukë

Përbërësit

  • 500 gr bukë
  • 2 gota qumësht
  • 120 gr sheqer
  • 2 mollë
  • 1 banane
  • pak arra ose bajame
  • 2 vezë

Përgatitja

  • Marrim bukën dhe e bëjmë copa të vogla me dorë, e hedhim në një enë të madhe. Sipër i hedhim qumështin e vakët. E lemë pak sa të regjet buka. Pastaj me një lugë e shtypim.
  • Hedhim vezët e rrahura me sheqerin, i trazojmë mirë, më pas shtojmë mollët e prera në copa dhe arrat. Marrim një tavë të rrumbullakët, i shtrojmë poshtë letër furri dhe hedhim masën e përgatitur.
  • Pasi e kemi sheshuar mirë me lugë, i shtrojmë sipër bananen e prerë në copa, e spërkasim sipër me pak sheqer. Tavën e vemë të piqet në furrë të nxehtë paraprakisht 200°C për 40-45 minuta.
  • Këtë tortë mund ta shërbejmë si të ngrohtë edhe të ftohtë. Ditën tjetër do të jetë akoma më e mirë.

Ju bëftë mirë

0 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Cheesecake Luleshtrydhe

Cheesecake luleshtrydhe është një ëmbëlsirë e freskët me baze frute, kos dhe panna. Kjo ëmbëlsirë nuk ka nevojë që të piqet. Për përgatitjen e kësaj ëmbëlsirës nevojiten 3 procese, por rezultati është fantastik

Krem çokollate (krem ganash)

Kremi ganash është një lloj kremi me përbërje çokollate e pana, i cili gjen një përdorim të gjerë në pastiçeri. Me të mund të zbukurojmë e mbushim torta të ndryshme, por mund edhe ta shijojmë ashtu siçështë duke i hedhur sipër biskota të shtypura ose lajthi e arra.

Video Receta e Pandispanjës

Pandispanja është një ëmbëlsirë që pëlqehet nga të gjithë, si të rritur dhe fëmijë. Këtë ëmbëlsirë mund ta mbushim me kremëra të ndryshëm në mes, mund ta zbukurojmë sipas dëshirës ose thjesht mund ta shijojmë kështu sic është.

Bollgur me çokollatë

Një recetë vegane, bollgur me çokollate. Përgatitja e kësaj receta është shume e thjeshte, ideale për okazione speciale dhe te ftuar special. Zgjedhja e çokollatës duhet te jete nga më cilësoret.