Mini Harsha me bollgur që të shkrihen në gojë

74 Shares
72
0
2

Mini Harsha (harcha) me bollgur shumë të shijshëm dhe të shëndetshëm. Bollgur nga turqishtja bulgur* është grurë i thyer. Për këtë përgatitje duhet bollgur i hollë. Nëse përdorni bollgur mesatar ose bollgur shumë të holle rezultati nuk do të jetë i njëjtë.

Mini harsha shërbehet e ngrohte me mjaltë, reçel ose djathëra. E shoqëruar me kafe ose çaj është moment kënaqësie.

Mini Harsha me bollgur

Prep Time20 mins
Cook Time10 mins
Total Time30 mins
Course: Breakfast
Cuisine: Albanian
Keyword: biskota
Sasia: 4 persona
Kalori: 230kcal

Përbërësit

  • 350 gr bollgur i hollë semolina
  • 1-2 lugë gjelle sheqer
  • gjysme luge vogël kripe
  • 1 pako fryrës ëmbëlsirash maja për ëmbëlsira
  • 100 gr gjalpë i shkrirë
  • 150 ml qumësht në temperaturë ambienti

Përgatitja

  • Në një enë të gjerë përziejmë të gjithë përbërësit e thatë. Hedhim bollgurin, sheqerin, kripën dhe majanë e ëmbëlsirave. Hedhim gjalpin e shkrirë dhe e përziejmë derisa bollguri te laget plotësisht (brum sablée).
  • Shtojmë qumështin, e përziejmë lehtazi të gjithë masën e bollgurit dhe e lemë të pushojë 10-15 min derisa bollguri të thithi gjalpin dhe qumështin.
  • Spërkasim me bollgur planin e punës dhe punojmë pak brumin e bollgurit i cili tani duhet jetë ngjeshur.
  • Nëse e ndjeni brumin ende të lëngshëm duhet ta lini të pushoje pak me shume kohë ose të vazhdoni të hidhni lehtazi bollgur në tavolinën e punës dhe ta punoni.
  • Me ndihmën e një peci të trashe ose me pëllëmbën e dorës hapim brumin mbi planin e punës. Me ndihmën e një rrethi ose të një gote bëjmë format. Format nuk duhet të jenë as shumë të holla dhe as të trasha me qëllim që të piqen nga brenda.
  • Mini harshat e përgatitura i vendosim në një tigan që nuk ngjit të cilin e kemi ngrohur. I pjekim 3-4 min nga secila anë duke i kthyer me kujdes që të mos thyhen me ndihmën e një spatule.

Notes

Për ata që nuk e duan gjalpin mund ta zëvendësojnë me vaj ulliri.

Receta për kek me qershi, ëmbëlsirë me mollë ose çokollatë me lajthi.

74 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Granita me luleshtrydhe të freskëta

Granita me luleshtrydhe është një pije e freskët, idealë për stinët e nxehta. Përgatitja e granitës është shumë e thjeshtë dhe e shpejtë. Koha që të ngrijë në frigorifer dhe granita me luleshtrydhe është gati.

Kadaif

Kadaif së bashku me bakllavanë janë ëmbëlsirat tipike për festat e fundvitit për gjithë shqiptarët. Ne e kemi përgatitur kadaifin në një mënyrë tjetër, duke i bërë rolè copat. Në këtë mënyrë prezantohet më bukur dhe është më i lehtë për tu shërbyer.

Petulla me mollë

Petulla me mollë janë të shpejta dhe shumë të shëndetshme për mëngjes. Prandaj ju rekomandojmë ti përgatitni se do ngeleni të kënaqur.

Biskota me copëza çokollate

Biskotat janë gjithmonë një kënaqësi kur i shijon në mëngjes me një gotë qumësht. E të shijojnë më shumë kur në to gjenden edhe copëza çokollate që të shkrihen në gojë. Kjo është një recetë e thjeshtë që mund ta përgatisni edhe me fëmijët tuaj.

Kos me fruta

Kos me fruta mund të shërbehet si mëngjes, si ëmbëlsirë pas buke i shoqëruar me fruta të freskëta ose pasdite. Mund të përgatitet me çdo frutë që mund t'iu gjendet në shtëpi.

Trilece

Trilece është një ëmbëlsirë shumë e mirë sidomos për fëmijët. KJo lloj ëmbëlsire është shumë e njohur në Amerikën Latine dhe thuhet që origjinën e ka pikërisht atje, nga merr edhe emrin 'tres leches', ( dmth. tre lloj qumështi). Trilece është një pandispanjë e lagur me qumësht dhe me karamel