Çokollatë me lajthi përgatitur me produkte cilësore ka një shije shumë të mirë, aromatike dhe të veçantë. Pasi e provon herën e parë nuk i ndahesh më kësaj recete çokollate.
Çokollatë me lajthi e përgatitur në shtëpi
Prep Time20 mins
Cook Time10 mins
Të ftohet4 hrs
Total Time4 hrs 30 mins
Sasia: 4 persona
Përbërësit
- 175 gr kakao pluhur
- 70 gr gjalpë kakao
- 80 gr lajthi
- 50 gr sheqer pluhur
- 150 ml qumësht
- pak kripë
- vanilje
Përgatitja
- Për të përgatitur çokollatë me lajthi, si fillim duhet të kalojmë për disa minuta në tigan lajthitë e qëruara. Mund ti vendosim edhe në furrë por ne tigan marrin një shije me të mirë. I vendosim veç të ftohen dhe më pas i radhisim në një enë drejtkëndëshe.
- Ndërkohë në një enë hedhim gjalpin e kakaos dhe e shkrijmë në banjo-maria. Në një enë tjetër bashkojmë sheqerin pluhur me kakaon dhe pak kripë. Nëse preferojmë i hedhim dhe pak vanilje pluhur. Hedhim qumështin në temperaturë ambienti dhe e trazojmë mirë që mos të krijohen kokrriza.
- Shtojmë gjalpin e kakaos të shkrirë dhe e trazojmë mirë. Masën e vendosim në zjarre të ulët dhe e trazojmë vazhdimisht. Pasi masa me kakao të trashet e heqim nga zjarri dhe e hedhim tek ena ku kemi vendosur lajthitë.
- Sigurohemi që lajthitë nuk janë bashkuar dhe e vendosim çokollatën me lajthi të ftohet për të paktën 4 orë.
- Pasi është ftohur, presim çokollatën me lajthi në copa dhe e konsumojmë sipas dëshirës.
Lexoni recetat për kek me çokollatë, torte me çokollatë ose embelsira me çokollatë
Ju bëftë mirë!
Na ndiqni në Instagram @ArtiGatimit dhe vendosni tag #artigatimit recetat që gatuani!
Shume e mire doli, po pres te frohet :) <3
Faleminderit