Pas suksesit të recetës pite të mbushura, propozojmë diçka tjetër të shijshme. Kjo është një recetë që mund të propozohet për mëngjes, pite të mbushura me marmelate fiku.
Përbërësit për Pite të mbushura me marmelate fiku
- 500 gram miell
- 200 gram gjalpë
- 200 mL qumësht
- 2 vezë
- 1 lugë sodë
- pak kripë
- 200 gram marmelatë fiku
- 1 lugë kanellë
Përbërësit për mbushjen
Përgatitja e piteve
Në një enë hedhim miellin dhe sodën duke i përzier me lugë. Hapim një gropë në mes, hedhim vezët, qumështin, gjalpin dhe i përziejmë.
Brumi duhet të bëhet i fortë si brumë byreku. Brumin e mbledhim me një qeskë kuzhine dhe e lemë të pushojë për gati 20 minuta.
Përveç kohës se pritjes, kjo recetë për pite të mbushura me marmelate fiku mund të konsiderohet e shpejte, pasi mund te merremi me diçka tjetër nderkohe.
Ndërkohë marmelatën e hedhim në një enë duke e përzier me kanellën.
Pasi brumi të ketë pushuar e ndajmë në toptha të vegjël dhe e hapim me pec (okllai), në formë rrethore me diametër 15 -20 cm. Të gjitha petkat i hapim mbi tavolinën e punës dhe secilës i hedhim nga një lugë mbushje.
Anës lagen pak me ujë (ose me të verdhë veze) që të ngjiten mirë dhe i palosim në formë gjysmëhëne.
Piqen në furre të nxehur në temperaturën 200 gradë për 15 minuta.
Pitet e mbushura me marmelate fiku, janë gati për ti shërbyer.