Një fetë ëmbëlsire semifreddo me luleshtrydhe është ideale për të mbyllur një mbrëmje me një shije delikate dhe aromatike. Receta e kësaj ëmbëlsire është shumë e thjeshte, le të ndjekim hapat e përgatitjes.
Semifreddo me luleshtrydhe
Sasia: 4 persona
Kalori: 190kcal
Përbërësit
- 500 gr luleshtrydhe
- 100 gr sheqer
- 200 ml pana e freskët
- 2 të bardha veze
- 10 gr xhelatinë
- 20 ml ujë
- 1 lugë gjellë lëng limoni
Përgatitja
- Në fillim futim xhelatinën në një gotë me ujë të ftohtë, të cilën do e bashkojmë me sheqerin.
- Luleshtrydhet i lajmë mirë në ujë të rrjedhshëm dhe i pastrojmë nga bishtat. Një pjesë të luleshtrydheve i presim ne rrathë dhe i vendosim anash enës ku më pare kemi shtruar qeskë kuzhine.
- Sheqerin e vendosim në zjarre se bashku me 20 ml ujë dhe ndërkohë fillojmë të rrahim të bardhat e vezëve. Pasi sheqeri ka shkrirë shtojmë xhelatinën dhe e hedhim ndërkohe të nxehtë tek të bardhat e vezëve dhe vazhdojmë rrahjen derisa të formohet merenge.
- Luleshtrydhet e mbetura i grijmë imët dhe hedhim gjysmë luge limoni, dhe të gjithë masën e hedhim tek vezët e rrahura. E trazojmë më kujdes të gjithë përbërjen e semifreddo me luleshtrydhe.
- Masën e përzier e hedhim tek forma ku kemi shtruar luleshtrydhe. Semifreddo me luleshtrydhe duhet të pushojë në frigorifer për të paktën 4 orë.
Ju bëftë mirë!
