Plumcake me çokollatë dhe kos është një recetë e thjeshtë për tu përgatitur duke bërë pak kujdes në pjekje. Aroma dhe shija e kësaj ëmbëlsire është e pa rezistueshme dhe mund të konsumohet në çdo kohë.
Plumcake me çokollatë
Prep Time20 mins
Cook Time50 mins
Total Time1 hr 10 mins
Sasia: 4 persona
Përbërësit
- 180 gr miell
- 260 gr kos
- 3 kokrra vezë
- 50 gr niseshte
- 80 gr kakao
- 150 gr sheqer
- 50 gr çokollatë
- 80 gr vaj
- 10 gr maja për ëmbëlsira
- esencë vanilje
- pak kripë
- sheqer pluhur
Përgatitja
- Për të përgatitur plumcake më çokollatë dhe kos si fillim duhet të rrahim vezët së bashku me sheqerin. Mund të përdorni edhe një rrahës elektrik për të kursyer pak kohë. Duhet të përftojmë një masë të fryrë dhe homogjene. Më pas shtojmë kosin së bashku me esencën e vaniljes dhe pak kripë.
- Bashkojmë të gjithë miellrat së bashku me kakaon dhe i kalojmë në sitë. Shtojmë pjesë pjesë në masën e përgatitur dhe në fund hedhim vajin. Gjithmonë duke trazuar masën derisa të arrijmë një masë homogjene dhe të butë. Në fund shtojmë disa copëza çokollate.
- Në një formë për plumcake të lyer me pak gjalpë dhe spërkatur me miell, hedhim masën për plumcake me çokollatë. Tavën e vendosim në furrë në temperaturën 160°C për rreth 50 minuta. Varet nga dimensionet e tavës për plumcake, por gjithsesi duhet të bëni provën nëse është pjekur, kjo faza është tepër delikate.
- Plumcake me çokollatë është gati, sipër spërkasim pak sheqer pluhur. E presim në feta dhe e shërbejmë.
Ju bëftë mirë!
Na ndiqni në Instagram @ArtiGatimit dhe vendosni tag #artigatimit recetat që gatuani!
Komento nga Facebook!