Role me kanellë – Cinnamon Rolls

133 Shares
133
0
0

Roletë me kanellë janë ëmbëlsira shumë të mira për mëngjes apo pasdite të shoqëruar me një kafe a qumësht. Këto ëmbëlsira janë shumë të njohura në Evropën e Veriut dhe Amerikë dhe thuhet që origjinën e kanë nga Suedia. Siç e thotë dhe vetë emri këto ëmbëlsira janë të përgatitura me një bazë brumi ku mbizotëron aroma e shija e kanellës.

Këto ëmbëlsira në formë role (të njohura me emrin 'innamom rolls nga anglishtja) janë shumë të shijshme për të filluar mbarë ditën.

Role me kanellë – Cinnamon Rolls

Prep Time20 mins
Cook Time25 mins
Total Time45 mins
Course: Dessert
Cuisine: Indian
Keyword: embelsire
Sasia: 10 persona
Kalori: 290kcal

Përbërësit

Përbërësit për brumin:

  • 200 gr miell 00
  • 200 gr miell manitoba miell i fortë
  • 150 ml qumësht
  • 50 gr gjalpë
  • 50 gr sheqer
  • 10 gr maja birre
  • 1 kokerr vezë
  • 1 të verdhë veze
  • 5 gr kripë

Përbërësit për mbushjen:

  • 5 luge gjelle sheqer panxhari
  • 3 luge gjelle kanelle
  • 30 gr gjalpë i shkrire

Për sipër duhen:

  • 3 luge gjelle sheqer pluhur
  • pak ujë

Përgatitja

  • Si fillim për role me kanellë shkrijmë majanë në qumësht, e me pas bashkojmë gjysmën e miellit dhe e përziejmë. (Nëse keni një robot ose planetaria mund ta përgatisni aty direkt dhe përbërësit i shtoni sipas radhës). Me pas hedhim një të verdhë veze dhe gjysmën e sheqerit. I përziejmë përsëri.
  • Shtojmë vezën tjetër dhe pjesën e ngelur te sheqerit, kripën dhe gjalpin e zbutur. Vazhdojmë ta përziejmë mirë dhe në fund shtojmë ngadalë edhe pjesën tjetër te miellit. Bëjmë mirë brumin derisa të arrijmë një masë homogjene.
    Masën e formuar e leme te pushoje në një enë qelqi te mbuluar me qeskë kuzhine derisa te dyfishohet.
  • Më pas marrim brumin dhe e hapim ne formën e një drejtkëndëshi me trashësi nga 5mm ne 8 mm.Me anë të një furçe shtrojmë sipër petës gjalpin e shkrirë.
  • Me pas bashkojmë në një enë sheqerin e trashë me kanellën dhe e përhapim sipër petës.
  • Në këtë mënyrë na ngelet veç ta mbledhim role petën e përgatitur duke bere kujdes që te mos dalë mbushja.
  • Me pas presim roletë me kujdes në feta te holla dhe i sistemojmë në një tave me letër furre. Mbulojmë tepsinë me një qese kuzhine dhe i leme që brumi të fryhet. Duhet rreth një orë.
  • Pas kësaj marrim tavën dhe e fusim në furrë të nxehtë 180°C përreth 20-25 minuta.
  • Nxjerrim taven me role me kanellë nga furra, i lemë të ftohen pak e më pas i shërbejmë duke i hedhur sipër pak sheqer pluhur të përzier me ujë në formë kremi.

Shënim: Miell manitoba është një lloj mielli me fortësi të lartë. Ideal për brumëra që duan kohë fryrje të gjatë. Tek paketimi duhet të shikoni koeficientin W i cili duhet të jetë mbi 350.

Lexoni Recetat për cheesacake, pancakes ose borwnies.

Ju bëftë mirë!

Recipe in English

133 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Reçel me Kajsi

Janë të shumta recetat për reçel në faqen e Arti Gatimit. Reçel me kajsi i shtohet kësaj liste. Për mëngjes kjo ëmbëlsirë do ju kapi ngarkesën e duhur për një ditë plot energji. Reçelin me kajsi mund ta përdorni edhe për përgatitjen e ëmbëlsira të ndryshe apo krostatave.

Gliko Shalqiri

Shalqiri është fruti që na shoqëron përgjatë stinës së verës. Përmban shumë vitamina e minerale dhe mund të themi që nuk mund të kalojmë verën pa shijuar këtë frutë. Zakonisht lëkurat e shalqirit i hedhim, por me to fare mirë mund të gatuajmë një ëmbëlsirë të shijshme siç është glikoja.

Biskota me bajame – Cantuccini

Biskotat me bajame (ose siç i quajnë në Itali 'cantuccini') janë tipike të zonës së Prato në Toscana. Këto biskota janë shumë të shijshme dhe të veçanta, për vetë faktin se duhet të piqen dy herë në furrë. Zakonisht, siç e kërkon tradita këto biskota hahen duke i ngjyer në verë, Vin Santo!