Ëmbëlsirë me dardhë dhe karamel

Një recetë gatimi perfektë për një ëmbëlsirë me dardhë super të shijshme. Hapat që duhet të ndiqni për përgatitjen e ëmbëlsirës janë të thjeshta, por rezultati mahnitës.

Ëmbëlsirë me dardhë dhe karamel

Prep Time20 minutes
Cook Time15 minutes
Frigorifer1 hour
Total Time1 hour 35 minutes
Course: Dessert
Cuisine: Mediterranean
Keyword: embelsire
Sasia: 4 persona
Kalori: 340kcal

Përbërësit

  • 150 gr bajame të qëruara
  • 4 kokrra vezë
  • 120 gr sheqer
  • 200 gr pana
  • 400 gr gjizë pa kripë ricotta
  • 400 gr dardha
  • 80 gr gjalpë
  • 80 gr sheqer pluhur
  • lëngu i gjysmë limoni

Përgatitja

  • Bajamet të pastruara nga lëkura i grijmë në grirës elektrik së bashku me 30 gr sheqer pluhur.
  • Në një enë hedhim 3 të verdha veze dhe një të plotë. Vezët fillojmë ti rrahim me rrahësen e vezëve duke i shtuar edhe 120 gr sheqer.
  • Vazhdojmë rrahjen derisa të bëhet një masë kremoze dhe e fryrë. Shtojmë bajamet e bluara dhe gjalpin e shkrirë por të ftohur dhe këtë herë duhet ti përziejmë më një shpatull nga poshtë lartë.
  • Më pas shtojmë miellin e situr dhe vazhdojmë duke e përzier me shpatull.
  • Në një enë tjetër rrahim të bardhat e vezëve, me pak kripë, derisa të bëhen të qëndrueshme. Hedhim vezët e rrahura te masa e mëparshme dhe i përziejmë në të njëjtin drejtim, nga poshtë larë.
  • Masën e përgatitur e hedhim në një tavë ku kemi shtruar shtruar letër kuzhine.
  • Tavën e vendosim në furrë të para ngrohur në 180 °C për 10-15 minuta. Duhet ta kontrollojmë përpara se ta heqim. E lemë të ftohet dhe më pas e presim në mes për së gjati, kështu përftojmë dy disqe torte.
  • Ndërkohë dardhat i qërojmë, i presim në kubik të vegjël dhe i hedhim lëngun e limonit. Në një tigan të ngrohur hedhim 50 gr gjalpë, 50 gr sheqer pluhur dhe dardhat, të cilat i kaurdisim për 5-6 minuta.
  • Rikotën e kalojmë në sitë dhe e përziejmë me dardhat e kaluara në tigan por të ftohura. Rrahim edhe panën e freskët dhe e hedhim së bashku duke e trazuar që masat të bashkohen.
  • Rivendosim një pjesë të pandespanjës pjekur në tavën qe e poqëm dhe sipër hedhim mbushjen e përgatitur. E hapim mirë në të gjithë sipërfaqes duke e niveluar. Sipër mbushjes vendosim pjesën tjetër. Tortën e vendosim në frigorifer për rreth 1 orë.
  • Ëmbëlsirë me dardhë është gati, kur e servirim e spërkatim me sheqer pluhur ose me sheqer të karamelizuar sipër.

Receta për ëmbëlsire pa pjekje

Ju bëftë mirë nga artigatimit.com

Mos harroni të shpërndani recetën e ëmbëlsirës me dardhë në rrjetet sociale si Facebook dhe Twitter. Gjithashtu në hapësirën ë komenteve mund të na nisni fotot tuaja.

1 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Video Receta e Pandispanjës

Pandispanja është një ëmbëlsirë që pëlqehet nga të gjithë, si të rritur dhe fëmijë. Këtë ëmbëlsirë mund ta mbushim me kremëra të ndryshëm në mes, mund ta zbukurojmë sipas dëshirës ose thjesht mund ta shijojmë kështu sic është.

Panna cotta

Panna cotta (pana kota) është një ëmbëlsirë me origjinë italiane (zona e Piemontes), që njihet kudo, jo vetëm në Itali, për thjeshtësinë e përgatitjes dhe shijen e saj të veçantë.

Petulla me banane

Petullat te përgatitura me banane janë shumë të shijshme dhe pëlqehen si nga fëmijët, ashtu dhe të rriturit. Kjo recetë është shumë e thjeshtë dhe dua të them që në familjen time këto petulla gatuhen shpesh.

Crème caramel me video

Crème caramel është një nga ëmbëlsirat qe nuk mund ti rezistohet. Vetëm me 3 përbërës kryesor dhe duke ndjekur këshillat në videon që kemi publikuar në kanalin e ArtiGatimit ne Youtube do të përgatisni një recetë fantastike.