Një version tjetër i petullave amerikane, kësaj radhe pancakes me boronica. Këto ëmbëlsira janë të përdorura për një mëngjes të shijshëm dhe të thjeshtë. Pancakes me boronica shtuar sipër shurup panje dhe boronica janë akoma edhe më të shijshme.
Petulla Amerikane Pancakes me boronica
Sasia: 6 persona
Kalori: 210kcal
Video
Përbërësit
- 350 gr miell
- 40 gr gjalpë
- 100 gr sheqer
- 300 gr boronica
- 200 ml qumësht
- 2 kokrra vezë
- 5 gr pluhur për fryrje
- pak kripë
- shurup panje
Përgatitja
- Ne fillim duhet të përziejmë të gjithë përbërësit e thatë së bashku. Në një enë fillimisht bashkojmë të gjithë përbërësit e thatë. Hedhim në të miellin, sheqerin dhe pluhurin për fryrje. I trazojmë dhe me pas shtojmë kripen. Përbërësit e thatë janë gati.
- Në një enë tjetër rrahim vezët me ndihmën e një piruni . Shtojmë qumështin në temperaturë ambienti. Me pas shtojmë gjalpin e shkrirë. Tek përbërësit e thatë hedhim masën e përgatitur dhe i trazojmë derisa të formohet një masë homogjene.
- Në fund hedhim një pjesë të boronicave dhe e trazojmë më kujdes.
- Nëse brumi për petullat amerikane është pak i qullet shtojmë pak miell, ne rast të kundërt shtojmë qumësht.
- Masën e pjekim ne tiganin për krepa që e kemi nxehur më parë. Me ndihmën e një luge hedhim brumin në tigan dhe e lemë të piqet në zjarr të ulet.
- Pankcakes me boronica mund ti pjekim edhe në tigan normal duke e lyer pak sipërfaqen me gjalpë. I lemë rreth 2 minuta dhe i kthejmë të piqen edhe nga ana tjetër.
- Pancakes me boronica janë gati. Sipër hedhim pak shurup panje ose sipas dëshirës mjaltë.
Receta për baze pancakes, pancakes me banane.
Ju bëftë mirë!
Bashkohuni edhe ju me artin e gatimit ne Facebook, do të gjeni një komunitet argëtues dhe shume këshilla mbi kuzhinën.
1 comment
Fruti i boronices eshte i pazevendesueshem,trupi i njeriut ka nevoje ne te gjitha moshat per kete frut.