Krostatë me krem pastiçerie e fruta

Kombinimi i brumit frolla që do përdoret për bazë në krostatë me krem pastiçerie dhe fruta është i përkryer. Shija e kësaj ëmbëlsire është delikate dhe shumë kremoze.

Krostatë me krem pastiçerie e fruta

Prep Time30 mins
Cook Time30 mins
Resting30 mins
Total Time1 hr 30 mins
Course: Dessert
Cuisine: Italian
Keyword: embelsire
Sasia: 6 persona
Kalori: 230kcal

Përbërësit

Per 500 gram frolla

  • 4 te verdha vezë e freskët nga frigoriferi
  • 200 gram gjalpë i freskët nga frigoriferi
  • 500 gram miell tipit 00
  • 180 gram sheqer pluhur i imët
  • 1 kokërr limon

Për kremi pastiçerie

  • 3 të verdha veze
  • 105 gram sheqer
  • 60 gram niseshte
  • 400 gram qumësht
  • pak aromë vanilje
  • fruta sipas dëshirës

Përgatitja

Përgatitja e brumit frolla

  • Për të përgatitur krostate me krem pastiçerie mund të përdorim robotin e kuzhinës. Hedhim miellin, gjalpin i cili duhet të jetë i ftohtë nga frigoriferi. Rezultati do jete miell e gjalpë në formë rëre e imët.
  • Duhet pasur kujdes qe roboti i kuzhinës mos nxehet shumë për mos na prishur masën duke shkrirë gjalpin. Fikim robotin pastaj shtojmë masën e sheqerit pluhur, vezën ku më parë e kemi rrahur pak, dhe lëkuren e grirë të limonit, për ti dhënë shije të freskët brumit te bardhen e limonit përndryshe do jetë brumë i hidhur.
  • Ndezim robotin e kuzhinës, për shumë pak sekonda dhe do kemi një masë homogjene, brumin e transferojmë te tavolina ku do punohet vetëm pak sekonda me duar sa te zhvillojmë gluten e për ti dhëne formë rrumbullake.
  • E mbulojmë me letër transparente kuzhine ku e lëmë brumin të pushoj në frigorifer minimumi 30 minuta por sa më shumë të rrije brumi në frigorifer shumë më i mirë do jetë rezultati.
  • Brumi mund të përgatitet dhe natën e mëparshme 12-14 orë në frigorifer brumi pushon me shume, gjalpi dhe gluten e miellit pushojnë më mirë.

Përgatisim kremin pastiçier

  • Në një enë rrahim të verdhat e vezëve me sheqer deri sa të krijohet një masë në formë shkume dhe të shtojë në volum. Hedhim niseshtenë, i rrahim serish, shtojmë qumështin dhe aromën e vaniljes. Enën vazhdojmë ta trazojmë në zjarr të ulët deri sa masa të dendësohet.
  • Duhet pasur durim dhe gjithmonë kujdes nga kokrrizat.
  • Në tavolinë marrim brumin e krostatës,e hapim me përmasat e tavës, ku tepsia duhet lyer me gjalpë dhe miell për të evituar që të ngjitet krostata gjatë pjekjes.
  • Vendosim brumin në tavë dhe e pjekim në 160 gradë për 30 minuta.
  • Ku të jetë ftohur i hedhim sipër kremin e pastiçerisë dhe e dekorojmë me fruta sipas dëshirës. Krostatë me krem pastiçerie futet në frigorifer deri në momentin e servirjes.
136 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Receta për Karamel

Kjo salcë karameli është shumë e mirë dhe mund ta përdorim mbi akullore, mbi torta e ëmbëlsira të ndryshme. Ka disa receta për përgatitjen e salcës së karamelit, por receta e mëposhtme na kënaqi më shumë me rezultatin e arritur.

Torta e të Dashuruarëve

Edhe pse Shën Valentini ka rreth një muaj që ka kaluar, dashuria është dhe mbetet përgjithmonë. Dëshiroj të nis këtë aventure me një ëmbëlsirë vërtet speciale të cilën e kam quajtur Torta e të dashuruarëve. Eshtë një tortë vërtet e shijshme dhe jo shumë e vështire për tu përgatitur, është thjesht një pandispanjë e mbushur me krem gjalpi me çokollate. Mund ta përgatitni për çdo rast të vecantë.

Ballakume Elbasani për Ditën e Verës

Ballakume Elbasani është ëmbëlsira tipike e që bëhet për Ditën e Verës, 14 Mars, tashmë festë kombëtare. Ballakumja gatuhej në një enë të madhe bakri, rrihej fort me dorë me një lugë druri dhe piqej në furrë druri.